Ola a tod@s!!

Que alegría enorme! Premio moi, moi merecido!

Chegou a noticia un pouco tarde de máis (a min teríame gustado que a rapazada non estivese xa de vacacións), pero benvida sexa! E tanto!

Ata o Rato anda dando brincos!

Grazas Anxos, Aurora, Breixo, Lola, Lúa, Maré, Mariña, María, Martín e Miriam!

Nós sabiamos de sobra que o voso compromiso coa biblio é de 10, non sei vós...

vedes como si?

Ronroneos e miañadiñas

Mica Bigotes

No verán, lectura!

Ola a tod@s!!

   As vacacións son un tempo apropiado para gozar da lectura de vagar.

                                

Ronroneos e miañadiñas

Mica Bigotes

Peter Punk

Ola a tod@s!!

   Festa!

Ronroneos e miañadiñas

Mica Bigotes

Proxecto O noso patio soñado

Ola a tod@s!!

   Sabiamos que estabamos a facer, todos xuntos, un proxecto magnífico (grazas familias, moitísimas grazas Marta!), pero non contabamos con que tería recompensa. Que alegría! O esforzo compartido ten a súa recompensa. 

Ronroneos e miañadiñas

Mica Bigotes

Eu leo porque...

Ola a tod@s!!

   Encántame que fagan isto, pero, no fondo, canta peniña me da. É unha alegría grande ver canto medraron, por fóra e por dentro, pero quedamos sen eles, sen elas, e ímolos botar en falta. Moito! Dígocho eu!

Ronroneos e miañadiñas

Mica Bigotes

Nuria Vil na nosa biblio

Ola a tod@s!!

   A piques de rematar o curso, a nosa biblioteca recibiu a mesmísima Nuria Vil (ao Rato gústalle moitísimo), quen ofreceu aos nenos e nenas do 4º/5º e 6º un obradoiro de poesía tan bo, do que tanto gozaron e no que tanto traballaron, aprenderon e se divertiron que tocou o timbre e alí non se moveu ninguén. Con razón rosmaba o Rato Gordecho: "porque temos autobús e non queda outra que marchar, senón durmen aquí..." Eu, coma sempre, díxenlle: "Pero non é  estupendo que pasen estas cousas...? Coido que si. É ou non é?

Ronroneos e miañadiñas

Mica Bigotes

Ficción Dixital

Ola a tod@s!!

   Este curso, os obradoiros de Ficción Dixital remataron cunha actividade que á rapazada de 5º e 6º gustoulles moito, moitísimo: un encontro co alumnado do CEIP de Pazos, co que o noso centro comparte proxecto baixo a mentorización de Lucas Ramada. Encantoulles! Compartir experiencias é marabilloso! Miau!

Ronroneos e miañadiñas

Mica Bigotes

Os mariscos da nosa ría

Ola a tod@s!!

   Ben interesante todo isto que nos contaron! Igual non era mala idea afondar un pouco máis neste tema... Hai que darlle unha volta, non credes? 

Ronroneos e miañadiñas

Mica Bigotes

Club de lectura

Ola a tod@s!!

   Por razóns de axenda, Abril Camino non puido visitar o noso Club de Lectura de persoas adultas ata esta data tan tardía. Non era a mellor para nós, pero non por iso deixamos de gozar do tempo que compartimos con ela, das súas experiencias literarias e editoriais, das diferentes reflexións sobre a súa obra, e sobre a necesaria normalización da diversidade.

Un pracer tela con nós!

Ronroneos e miañadiñas

Mica Bigotes

Premio!

Ola a tod@s!!

Que alegría!

Conseguimos o 2ºPremio!

Parabens!

Ronroneos e miañadiñas

Mica Bigotes

OutDoor Day

Ola a tod@s!!

   Como facemos sempre (se a choiva non o impide, que é moitas veces) non perdemos a ocasión de celebrar o OutDoor Classroom Day. Desta vez houbo sorte!

   Eu estou moi contenta, porque houbo quen decidiu xuntar ao club de lectura no bosque. Unha idea magnífica, ou non?

Ronroneos e miañadiñas

Mica Bigotes

Polos creativos

Ola a tod@s!!

   Se houbera máis tempo, seguro que a rapazada querería facer máis proxectos cos materiais dos Polos Creativos. O Rato non para de dicirme o contentos e concentrados no traballo que os ve e ten razón, porque así mesmiño é.

Ronroneos e miañadiñas

Mica Bigotes

Despedida

Ola a tod@s!!

   Despedimos a Davia; con pena, porque nestes dous cursos que estivo con nós, fíxose querer moitísimo. Grazas, Davia! Querémoste!

Ronroneos e miañadiñas

Mica Bigotes

Correlingua

Ola a tod@s!!

Non podiamos faltar!

Ronroneos e miañadiñas

Mica Bigotes

O lobo feliz

Ola a tod@s!!

   Para os nenos e nenas máis pequenos: Infantil, 2º e 3º, contamos con Miguel Guido e a súa divertida historia do lobo que aprendeu a deixar de estar triste.

Que ben o pasamos!

Déixounos un exemplar do libro, firmado, e agora na clase de Lorena piden que llo leamos unha e outra vez. Miau!

Ronroneos e miañadiñas

Mica Bigotes

IV Foliadiña pequeniña

Ola a tod@s!!

   Como ven sendo habitual e, polo tanto, temos convertido xa nun "clásico" da nosa biblioteca, celebramos o Día das Letras Galegas cunha foliadiña.

Non foi fácil desta vez... houbo moito que improvisar a última hora...

Miau!

Quedou descartado o bosque (é que non para de chover!!!), pero, finalmente, todo foi moi ben. (Ou case que ben...)

Díxome o Rato que, igual, despois desta, pode que as celebremos máis veces aquí.

Sempre é un día moi especial. Acompañáronnos: 

Anduriña

Ferreñas do Ar

Airiños de Fene

Ronroneos e miañadiñas

Mica Bigotes

As lendas

Ola a tod@s!!

   O alumnado de 5º e 6º quixo estrear para todos os compañeiros e compañeiras o gran traballo que fixeron sobre as lendas galegas. Realizaron un video cunha representación teatral de autoría propia coa que gozamos moitísimo.

En hora boa, rapazada! Un traballo excelente!

Bravo, profe Diego!

Ronroneos e miañadiñas

Mica Bigotes

AELG

Ola a tod@s!!

   A rapazada de 4º/5º e 6º realizou un obradoiro sobre Begoña Caamaño da man da Asociación de Escritores e e Escritoras en Lingua Galega. Consistiu nun traballo sobre escrita epistolar que segue as pegadas de Begoña Caamaño e mistura a realidade e a ficción, axudando á rapazada a poñerse no lugar do outro para buscar puntos de entendemento.

Ronroneos e miañadiñas

Mica Bigotes

Teatro

Ola a tod@s!!

   O mércores, 13 de maio, tivemos unha representación teatral de Trémola Teatro, sobre Begoña Caamaño, homenaxeada nas Letras Galegas deste 2026.

Ronroneos e miañadiñas

Mica Bigotes

Reto superado!

Ola a tod@s!!
   Un orgullo de rapazada! Un orgullo de familias! Conseguimos superar o reto do Modo Galego deste curso 25-26! E cun montonazo de puntos! Miau!

Estes nenos e nenas non só gañaron as súas pulseiras conmemorativas, senón que ben merecen un bo concerto en galego! Non si? Haberá que ir pensando en algo...

Ronroneos e miañadiñas

Mica Bigotes

Carme Romero

Ola a tod@s!!

   Lembrades que no 8-M decidimos poñer o nome da gran ceramista fenesa Carme Romero á aula de plástica? Pois que saibades que este martes visitou a nosa biblio e foi entrevistada por varias nenas do 3ºCiclo na Radio Mica. Dounos unha gran alegría! Sempre é un pracer recibila neste cole no que tanto a queremos. Canto ten colaborado con nós! 

Ronroneos e miañadiñas

Mica Bigotes

Xogo didáctico

Ola a tod@s!!

   Onte pola tarde, a nosa biblioteca encheuse de xogo en familia. Os xogos didácticos do Muíño do Fabal estiveron expostos no Espazo Fedelleiro e nenos, nenas e maiores puideron compartir unha xornada lúdica e divertida.

Moitas grazas, Lucía!

Ronroneos e miañadiñas

Mica Bigotes

Letras Galegas

Ola a tod@s!!

   Comezamos a semana das Letras, na que as actividades sobre Begoña Caamaño van estar presentes de maneira intensiva. Pedro colocou os fermosísimos carteis informativos (canto me gustan este ano! Miau!) ao ladiño do hórreo. Por alí iremos pasando todos para coñecer mellor a autora homenaxeada este 2026.

Ronroneos e miañadiñas

Mica Bigotes

Somos rural

Ola a tod@s!!

    Aquí tedes o enlace para poder escoitar a entrevista sobre o Proxecto Muíños.

Agradecemos a Radio Fene o interese polo noso traballo e o feito de servir de altofalante para difundir a importancia da valoración e conservación do patrimonio.

Para todas as persoas participantes, alumnado, familias , profesorado e outras persoas colaboradoras (as nosas queridas artistas, miau!): parabens por desenvolver todas xuntas un proxecto tan fermoso!

https://www.radiofusion.gal/actualidade/novas/aprender-dos-mu%C3%AD%C3%B1os

Ronroneos e miañadiñas

Mica Bigotes

Modo Galego

Ola a tod@s!!
   Imos avanzando, pasiño a pasiño, no Modo Galego. Actívao! Levamos percorridas xa as dúas terceiras partes de todo o traxecto. Miau! Un ano máis, estamos a piques de completar o reto! Miau, miau!

Ronroneos e miañadiñas

Mica Bigotes

Xornadas Clubs de Lectura

Ola a tod@s!!

   O día 29 celebráronse en Santiago de Compostela as Xornadas dos Clubs de Lectura. Alí estivo o profe Jesús, quen probablemente recolleu boas ideas para incorporar aos nosos propios clubs.

Ronroneos e miañadiñas

Mica Bigotes

Voluntariado

Ola a tod@s!!

   O mércores 22, o grupo de voluntariado de biblioteca desprazouse ata a Residencia de Laraxe para agasallar ás persoas usuarias da mesma cunha representación do conto Dez gatiñas viaxeiras, de Eva Mejuto. Momentos como os que  pasamos alí, tanto os maiores como os pequenos, son dun valor incalculable. 

Bravo, rapazada! Sodes incríbeis!Miau!

Ronroneos e miañadiñas

Mica Bigotes

Primavera

Ola a tod@s!!
   Grazas, familias, por colaborar para que a nosa Rede das Estacións quedase así de preciosa vestida de primavera.

Ronroneos e miañadiñas

Mica Bigotes

Troco de libros

Ola a tod@s!!

   Este curso, con ocasión do Día do Libro, organizamos unha actividade nova. Resultou un pouco máis caótica do que debería; era a primeira vez, e a inexperiencia, xa se sabe... Hai que aprender dos erros. Pero, pese a todo, resultou un éxito rotundo. De seguro que o próximo ano, todo irá un pouco máis rodado. Miau!

Ronroneos e miañadiñas

Mica Bigotes

Obradoiro de booktrailers

Ola a tod@s!!
   O grupo de 4º de Primaria asistiu, (grazas ao programa Bbiblioteca Creativa) a un obradoiro de BookTrailers, que impartiu Jesús Silva Vilas (de GINGKO). Practicaron a gravación destes pequenos videos de promoción de libros, aprendendo estratexias para captar a atención dos posibles futuros lectores e fomentar o seu interese nas diferentes historias.

Ronroneos e miañadiñas

Mica Bigotes

Modo Galego. Actívao!

Ola a tod@s!!

   Proba superada! Rematamos o primeiro tramo da nosa actividade lúdica de promoción do galego, realizada en colaboración coas familias. Foi duro, que houbo aí unha costiña difícil de superar, pero collimos novos folgos e conseguimos chegar á fin de etapa con éxito.

        A seguir avanzando! Forza!

Ronroneos e miañadiñas

Mica Bigotes

Premio Clubs de Lectura

Ola a tod@s!!
   Co gallo da celebración do Día do Libro 2026, recoñécese a Manuel Rivas co Premio dos Clubs de Lectura 2026, que se concede anualmente ao autor ou autora galega máis lida durante o curso precedente.

https://bibliotecas.edu.xunta.gal/actualidade/premio-dos-clubs-de-lectura-2026-para-manuel-rivas

Ronroneos e miañadiñas

Mica Bigotes

Miudiño

Ola a tod@s!!

   Na tarde do luns, as familias tiveron unha sesión con Diego, de Miudiño, relacionada coa conservación do medio, na que tamén puideron gozar e compartir xogos tradicionais. Foi unha agradable tarde de convivencia na biblioteca.

Ronroneos e miañadiñas

Mica Bigotes

Día do Libro

Ola a tod@s!!

   Para celebrar o Día do Libro, que é o 23 de abril, o grupo de voluntariado de biblioteca representou Dez gatiñas viaxeiras, de Eva Mejuto. Foi unha representación moi divertida! Gustounos moitísimo!

Grazas, chic@s! Sodes xeniais!

Ronroneos e miañadiñas

Mica Bigotes

A gran lectura

Ola a tod@s!!

   Chegou abril caseque sen darnos de conta... Con el, chegou a hora de celebrar A gran lectura, esa gran actividade de "apaamadriñamentos" lectores, que tanto lles gusta.

Houbo sorte e tivemos un día solleiro (Miau!) para poder gozar dos ibros, da lectura e do noso marabilloso patio.

Ronroneos e miañadiñas

Mica Bigotes

Patrimoniamos

Ola a tod@s!!
   Volveu Ramón Molina ao noso cole e realizou cos nenos e nenas de 4ºde Primaria un obradoiro sobre o patrimonio galego. Aprenderon de forma divertida, xogando. Agora, quédanos contribuír a unha guía colaborativa que imos elaborar entre todos os centros que formamos parte da rede do Voluntariado Miúdo. Que será ben aportar? O noso legado indiano? Os lavadoiros ou os hórreos? Ou será mellor que falemos dos muíños?

Ronroneos e miañadiñas

Mica Bigotes

Novo Pasaporte Solidario

Ola a tod@s!!

   O venres pasado recibimos na nosa biblioteca á Directora Xeral de Xuventude, Lara Meneses, quen veu, xunto con Ramón Molina, a presentarnos o novo Pasaporte Solidario. É esta, o Pasaporte Solidario, unha actividade, a día de hoxe incluída dentro do Plan Proxecta, na que vimos participando de forma ininterrumpida dende o curso 2013-14 e que nos permite reflexionar sobre as diferentes actividades de voluntariado, solidariedade e cidadanía global que realizamos en cada ano escolar.

https://www.xunta.gal/es/notas-de-prensa/-/nova/022456/xunta-impulsa-una-nueva-edicion-del-pasaporte-solidario-con-mas-1-000-participantes

Ronroneos e miañadiñas

Mica Bigotes

Paz compartida

Ola a tod@s!!

   Hoxe recibimos un agasallo moi especial: os nenos e nenas de Centieiras quixeron compartir con nós unha parte das 1000 grúas pola paz que confeccionaron seguindo a estela de Sadako. Vedes o chulas que son?

    Grazas, amig@s, mandámosvos moitas apertas.

Ronroneos e miañadiñas

Mica Bigotes

8M. 2026.

Ola a tod@s!!
   Foron moitas e variadas as actividades que realizamos con ocasión do 8M. Unha delas é esta entrevista que o alumnado do 3ºCiclo gravou na radio escolar.

Moitas grazas, Sandra, pola túa colaboración.

 

   Ronroneos e miañadiñas

Mica Bigotes

A nosa feira

Ola a tod@s!!

   Anxos e Deva foron entrevistadas en Radio Fene para dar a coñecer o importante evento que terá lugar na mañá do domingo, 8 de marzo: a Feira dos Casais. Podedes comprobar que, xunto con Marta, son unhas embaixadoras excepcionais do noso cole. Que ben o fixeron! 

   Hai moitísimo traballo detrás deste proxecto cooperativo tan ilusionante; esperamos que esa xornada sexa todo un éxito "comercial". De non selo, a súa realización, o ter chegado ata aquí, xa o é. Miau!

Agradecemos a Radio Fene o seu interese por visibilizar esta iniciativa.

https://www.radiofusion.gal/actualidade/novas/unha-feira-para-aprender

https://redefusion-eu.us.stackstaging.com/audio/050326CASAIS.mp3

Ronroneos e miañadiñas

Mica Bigotes