FORMACIÓN DE USUARI@S
Ola a tod@s!!
A nova actividade con realidade aumentada que están realizando na clase de 1º e 2º, tiña un exercicio de formación de usuari@s. Da gusto ver o ben que o pasan traballando e aprendendo a utilizar a biblioteca.
A nova actividade con realidade aumentada que están realizando na clase de 1º e 2º, tiña un exercicio de formación de usuari@s. Da gusto ver o ben que o pasan traballando e aprendendo a utilizar a biblioteca.
Encantados quedamos o Rato e máis eu.
Miau!
Ronroneos e miañadiñas
Mica Bigotes
CONECTANDO COA TERRA
Ola a tod@s!!
Gústalles moitísimo traballar no pequeno horto. Conectan coa terra, coidan o medio ambiente, aprenden a importancia do esforzo, da paciencia, do traballo en equipo... E pronto, plantarán unhas flores moi especiais. El@s non saben nada, pero o próximo mércores será un gran día (se non chove... miau!).
Ronroneos e miañadiñas
Mica Bigotes
LEMOS!
Ola a tod@s!!
Este mes é a profe Diana a que está indo a ler ás diferentes clases na Hora de Ler. Que content@s póñense tod@s! Moito lles presta recibir visitas e compartir este pequenos tempos de lectura!
Grazas, Di!
SORTE!
As nenas e nenos de 5º elaboraron este precioso cartel para participar no 38Concurso Escolar ONCE. Como cada ano, esta actividade lémbranos a importancia de traballar unid@s en favor da inclusión.
Tod@s somos diferentes = Tod@s somos iguais.
Moita sorte!
Ronroneos e miañadiñas
Mica Bigotes
Eureka!!!
Ola a tod@s!!
Hoxe levamos unha pequena alegría. Que digo, pequena? Non. Unha alegría ben grande, aunque sinxela. Unha desas alegrías de "andar por casa". Miau!
Por fin, despois de tres meses enteiros de traballo continuo, horas e horas das mañás, das tardes, das fins de semana, nas vacacións (miau, miau!) realizado polas miñas axudantas, outr@s prof@s colaborador@s, e coa axuda das nenas e nenos voluntari@s de biblioteca, que ceden o seu tempo de lecer nos recreos para cooperar, conseguimos rematar a primeira folla enteira de etiquetas dos novos códigos de barras.
A primeira!
CITA A CEGAS
Ola a tod@s!!
Chegou o día de asumir riscos, de lanzarse á aventura, de deixarse levar por aquelo que o azar teña reservado para nós. Valentes! Hoxe é o día da:
E @S MAIORES, TAMÉN
Ola a tod@s!!
Agora que, fixádevos ben, e veredes, que haber, hai quen "fai que le"
Cachados!!!
Ronroneos e miañadiñas
Mica Bigotes
LER, LER
Ola a tod@s!!
Non vaiades pensar que, porque eu quede pasmada mirando para as nenas de 1º cando as pillo lendo na biblio, son elas as únicas que len cando veñen. Diso nada!
Gústalles moitísimo ler a tod@s. O que ocorre é que coas pequenas gozo especialmente, porque fai dous días (como quen di) aínda non sabían ler e están a descubrir un mundo marabilloso.
Pero alegría provócanme tod@s. E ando a pillal@s, como vedes. Iso si, sempre teño moito coidado de que el@s non me pillen a min! Miau!
Ronroneos e miañadiñas
Mica Bigotes
VOLCÁNS
Ola a tod@s!!
A clase de 1º e 2º estivo na biblioteca aprendendo sobre os volcáns. Gozaron moitísimo coas actividades de realidade aumentada. Da gusto vel@s tan motivad@s. Gustoulles tanto que queren repetir!
Non hai fallo! Sen dúbida ningunha no seguinte tema haberá tamén algunha sorpresa.
Ronroneos e miañadiñas
Mica Bigotes
BIBLIOTECA CREATIVA
Ola a tod@s!!
O pasado venres, a profe Mónica (a teacher non, a outra. Miau!) asistiu ao curso de formación da Biblioteca Creativa en Santiago de Compostela. Veu entusiasmada de tantas boas prácticas como alí poido observar, cargadiña de ideas fantásticas para traballar cos nenos e as nenas e chea de ganas renovadas para ofrecer ao alumnado propostas motivadoras.
Ben feito, Mónica!
NOVA EXPOSICIÓN
Ola a tod@s!!
Achégase pouquiño a pouco o Día de Rosalía. Este ano convídanos á reflexión: #SementadePensamentos. Así que, xa é hora de írmonos preparando; por iso escollín algúns libros de filosofía para nen@s, por se non sabedes que os temos.
Espero que vos gusten moito e vos axuden a plantexar preguntas. As respostas, teredes que pensalas vos mesm@s. Miau!!!
Igual parécevos raro que poña tan pouco en galego. Que máis quixera!!! Non temos! Case non hai!!! Marramañau!!!
Ronroneos e miañadiñas
Mica Bigotes
SABEMOS LER!
Ola a tod@s!!
Nunca cansarei de ver canto gozan coa lectura as nenas de 1º. Aproveitan calquera momento que teñen, comparten lecturas, gustan dos propios libros, das ilustracións...
Nunca cansarei de ver canto gozan coa lectura as nenas de 1º. Aproveitan calquera momento que teñen, comparten lecturas, gustan dos propios libros, das ilustracións...
Emocióname miralas. O Rato di que son unha gata bibliotecaria medio chocha. E a saber, que teño xa moitos anos e todo pode ser...
Pero non me digades que non da gusto velas!!!
Ronroneos e miañadiñas
Mica Bigotes
CANDELORIA
Ola a tod@s!!
O Día da Candeloria "casan os paxariños". É o preludio da primavera. Se cadra; porque xa sabemos que "o 2 de febreiro, súbete ao outeiro, se ves negrexar, ponte a cantar; se ves branquexar, bótate a chorar", e hoxe fixo un día espléndido. Así que, queda moito inverno por pasar.
O Día da Candeloria "casan os paxariños". É o preludio da primavera. Se cadra; porque xa sabemos que "o 2 de febreiro, súbete ao outeiro, se ves negrexar, ponte a cantar; se ves branquexar, bótate a chorar", e hoxe fixo un día espléndido. Así que, queda moito inverno por pasar.
Aínda así, na aula de 1º e 2º non quixeron deixar pasar a ocasión de celebralo con alegría.
Pero...
Neste ano 2022, no que continuamos coa excepcional situación sanitaria que dou comezo no 2020, e como estamos xa moi cans@s, fart@s, fatigad@s, desexando con todas as nosas forzas poder retomar con normalidade a vida, quixemos mirar a outra cara do amor. O desamor. Cara a quen?
Pois a que vai ser???
Ronroneos e miañadiñas
Mica Bigotes
Subscribirse a:
Publicacións (Atom)