No verán, lectura

Ola a tod@s!!
   Coma sempre, unha selección de libros para o verán. Para todas as idades. Pódense intercambiar ao gusto de cadaquén; ás veces  (miau!)




Ronroneos e miañadiñas
Mica Bigotes

Remo

Ola a tod@s!!
   Hoxe recibimos na biblioteca a Quique, quen, con esta charla que veu dar, volveu á súa casa, porque o noso é tamén o seu cole. Alegrouse moito de volver. Nós tamén de recibilo.
   Veu presentarnos o Club de Remo de Ares e as súas actividades . Falounos de remo e de regatas, tanto de banco móbil coma de banco fixo, de remo olímpico e, como non, de traiñeiras. E da Liga ACT (a primeira división das regatas) na que o Club compite dende 2019.
    Grazas, Quique! En setembro queremos probar cun batel!!!


Ronroneos e miañadiñas
Mica Bigotes

Upps!

Ola a tod@s!!
   Díxome o Rato que andan rosmando por aí, porque puxen os contiños de 1º e 2º, pero non todos os de 6º. UPPS! E teñen razón! Pero non hai nada perdido. Agora mesmo poño todos os que faltan para que poidades velos. Listo!



Ronroneos e miañadiñas
Mica Bigotes

Lemos!

Ola a tod@s!!
   "O prometido é débeda", así que aquí vos deixo todos os contos que a clase de 1º e 2º leu para Educación Infantil. Foi moi emocionante; hai nada que estaban xunt@s e, ademáis, non sabían ler! E agora, mirade.


Ronroneos e miañadiñas
Mica Bigotes

Correlingua 2022

Ola a tod@s!!
   Sen movernos do centro, si; pero que ben o pasamos co Correlingua!


Ronroneos e miañadiñas
Mica Bigotes

Premio!

Ola a tod@s!
   Así de content@s quedaron co pequeno agasallo de agradecemento que recibiron esta mañá. Ben merecido o tiñan! Foron quen de ler para Infantil igualiño que @s de 6º. Se é que son marabillos@s...
    Mañá mesmo, poñerei eses contiños para vós poidades tamén gozar con eles.

Ronroneos e miañadiñas
Mica Bigotes

Vai quedando pouco.

Ola a tod@s!!
   Paseniñamente imos camiñando ao remate do curso. Vai quedando pouco. De feito, quedan un par de días para pechar o servizo de préstamo.
    Estoume preparando para despedir, un ano máis, a todos os nenos e nenas de Os Casais. Botareinos moito en falta! 


Ronroneos e miañadiñas
Mica Bigotes

Contos, contos, contos.

Ola a tod@s!!
   Hoxe traio o conto que Ángela leu para as nenas e os nenos de Infantil: Homiño de Mazapán. A ver se vos gusta tanto como @s pequerrech@s!


Ronroneos e miañadiñas
Mica Bigotes

Outra gata!

 a tod@s!!
    Hoxe traio unha aventura doutra das miñas amigas. Cóntanola Daniela.

             

Ronroneos e miañadiñas
Mica Bigotes

Día das Letras Galegas

Ola a tod@s!!
   O venres celebramos o Día das Letras Galegas, este ano dedicadas ao poeta valdeorrés Florencio Delgado Gurriarán.
     Aquí tedes un resumo de tan fermoso día. Titulámolo O galego mola. Quixemos destacar a nosa cultura, o patrimonio, a historia, o folclore, a paisaxe, a literatura... e, como non, a lingua.


   Tamén escoitamos o programa de radio O faiado de Mica 4, que as nenas e nenos de 6º gravaron. Coma sempre, está dedicado ás mulleres de Fene. Pero, nesta ocasión, era un especial para as Letras Galegas no que entrevistaron ao artista valdeorrés Roi Dominguez, autor da escultura da fachada da Biblioteca Municipal de O Barco de Valdeorras "Florencio Delgado Gurriarán".

 

 
     E realizamos unha videoconferencia! Puidemos ver e falar coas nenas e nenos de Infantil do CEIPP Condesa de Fenosa de O Barco de Valdeorras. Contáronos moitas cousas de Florencio Delgado Gurriarán. Canto saben!!!


Foi un día fantástico!!!

  Ronroneos e miañadiñas
Mica Bigotes

10 gatiñas

Ola a tod@s!!
   Seguro que aínda non virades a historia que Santi contou. Era aquela das miñas dez amigas, gatas viaxeiras todas elas.
    Na clase de Educación Infantil gustou moito este conto.



Ronroneos e miañadiñas
Mica Bigotes

OutDoor Day

Ola a tod@s!!
   O pasado día 19 celebramos o OutDoor Day desta primavera. O Día da Aula ao aire libre é un movemento global para facer que o tempo vivido no exterior sexa parte da vida de todos os nenos e nenas. Hai dous días de acción cada ano, un na primavera, outro no outono. Nesas datas, as clases dámolas fóra, para facer campaña para pasar máis tempo ao aire libre todos os días.


Ronroneos e miañadiñas
Mica Bigotes

Nós tamén contamos

Ola a tod@s!!
   Sempre van aparecendo fotos perdidas. O Rato anda con elas e despois non sabe onde as deixa.
   Lembrades? @s profes tamén contan. Todos e en todas as aulas.


Ronroneos e miañadiñas
Mica Bigotes

Maios 2022

O próximo ano, no Pote!!!

               
Ronroneos e miañadiñas
Mica Bigotes

Infancia = xogar

Ola a tod@s!!
   Non podo deixar de comentar a grata sorpresa que levei o outro día no recreo. Gústame moitísimo observar como xogan. Ando por todas partes, ainda que raramente me ven;  algunha vez @s máis pequen@s, @s grandes, nunca. Eu si que @s vexo. E observo. Esta semana pasada sorprendéronme moitísimo. Pero que farán?, dicíame a min mesma. Ata que descubrín que montaron unha auténtica froitería. O produto fresco, fresco e de primeira calidade.
   Deixovos unhas fotos, seguro que vos gustan tanto como a min.
   A infancia é xogar. Se alguén pensaba outra cousa, aquí tedes a proba de que se equivoca.
   Sonche un amor. Ou non?


Ronroneos e miañadiñas
Mica Bigotes

TOUPICIENCIA

Ola a tod@s!!
   Hoxe, 3º, 4º e 5º  asistiron ao espectáculo Toupiciencia, de A xanela do maxín.
Diferentes experimentos (de presión, de mezclas, de absorción de líquidos usando polímeros) foron a base de tan divertida representación.
   Pasámolo en grande. (O Rato segue a intentar producir enerxía gratis invertindo os polos magnéticos. Animaliño...)


Ronroneos e miañadiñas
Mica Bigotes

Miau! Miau! Marramañau!

Ola a tod@s!!
   Estou abraiada, estupefacta, marabillada, gratamente sorprendida e tamén emocionada. Moi emocionada. 
   O noso cole, de seu fermoso, seríao un pouco menos sen estas mamás artistas. Artistazas. E solidarias. E voluntarias.
   Cantas alegrías nos levan regalado. Grazas, grazas, moitísimas grazas, chicas!
 
Sodes fantásticas!
Ronroneos e miañadiñas
Mica Bigotes

EDUCACIÓN TRANSFORMADORA

Ola a tod@s!!

Os pasados días 4 e 5 a Subdirección Xeral de Cooperación Territorial e Innovación Educativa do Ministerio de Educación e Formación Profesional celebrou o Seminario Web "A Dimensión Ecosocial para unha Educación Transformadora".

Aí estivo o noso centro, e a nosa biblioteca, da man de Lorena e MªJosé, que, en representación de toda a comunidade educativa, presentaron o noso proxecto Somos quen.


Parabéns a tod@s, alumnado, familias, profes que están e estiveron, asociacións e outras entidades da contorna que con nós colaboran, ONG varias, Concello e Garda Civil, artistas feneses, ANPA Río de Va... e a todas cantas persoas acompañan o noso camiñar escolar cara a un mundo mellor para todos e todas.

(E para Rato Gordecho, tamén, que, ás veces, tamén ten boas ideas)

Ronroneos e miañadiñas
Mica Bigotes

A gran lectura

Ola a tod@s!!
   Por fin temos as fotos da Gran Lectura do Día do Libro deste curso 2022. Queredes velas? Seguro que sí. Aquí están.

                

Ronroneos e miañadiñas
Mica Bigotes

POLOS CREATIVOS

Ola a tod@s!!
   Hoxe, na Cidade da Cultura, en Compostela, tivo lugar a presentación dos Polos Creativos, que serán convocados como oferta para os centros mañá mesmo.
   Alí estivo a coordinadora da biblio, comprobando in situ a cantidade inmensa de talento que está a ser potenciada nos centros escolares dende os espazos maker.
   Non hai máis que ver este breve video para facerse unha idea.

Ronroneos e miañadiñas
Mica Bigotes

Día do Libro

Ola a tod@s!!
   Hoxe celebramos o Día do Libro. As nenas e nenos levaron cadanseu libro. Vai nese paquete, senón o libro en galego marabilloso que ao Rato e a min gustarianos regalarlles,  o noso agarimo e o amor pola lectura que queremos transmitirlles. Vai tamén un anaquiño da nosa (vosa, súa) querida biblioteca, para que a teñan sempre con el@s, ben gardadiña no corazón.



Ronroneos e miañadiñas
Mica Bigotes

23 de abril

Ola a tod@s!!
   Hoxe, 23 de abril, celébrase o Día do Libro. Cadrou en sábado, pero non importa. Os nosos nenos e nenas celébrano durante todo o mes.
   Na aula de Educación Infantil reciben cada día un deses contos que @s voluntari@s de 6º prepararon para el@s.
Canto lles gustan!

 


  Ronroneos e miañadiñas
Mica Bigotes

22 de abril

DÍA DA TERRA


Ronroneos e miañadiñas
Mica Bigotes

Xesto simbólico

Ola a tod@s!!
   Olvidárame!!! Teño a cabeciña nas nubes!!! Igual pensabades que este curso non levamos os calcetíns desemparellados para reivindicar a plena inclusión das persoas que teñen Síndrome de Down. E claro que o fixemos. É un xesto simbólico, sinxelo, pero que nos axuda a lembrar a importancia de defender a igualdade de tod@s.

Somos diferentes, somos iguais.

Ronroneos e miañadiñas
Mica Bigotes

STEAM

Ola a tod@s!!
   O luns e máis o venres o grupo de 3º e 4º pasaron a xornada na biblioteca cun obradoiro STEAM de E-Téxtiles, impartido por Paola Guimerans. Ao longo destas dúas sesións de formación aprenderon a construir unha postal pop-up luminosa, a coser un boneco e-téxtil, a programar videoxogos con Scratch e a crear instrumentos musicais coa placa electrónica Makey Makey. Tamén exercitaron as súas destrezas manipulativas como debuxar, recortar e pegar. 


Ronroneos e miañadiñas
Mica Bigotes

ALMIEIRAS

Ola a tod@s!!
   Sabedes que os nenos e  as nenas de Os Casais están preocupad@s polo medio ambiente e tamén que o voluntariado é o del@s. No noso cole somos quen  de realizar accións que contribúan a coidalo. Ainda que parezan cousas pequenas xa sabedes a máxima "moita xente pequena, en lugares pequenos, facendo cousas pequenas" pode cambiar o mundo. Así que, alá foron @s de 5º, andando ata a praia de Almieiras a darlle un bo repaso.

Ronroneos e miañadiñas
Mica Bigotes

Móvete

Ola a tod@s!!
   Como despedida de trimestre contamos co sempre ben recibido Anxo Moure. Canto levamos gozado con el! Desta vez non puidemos estar tod@s, así que a sorte caeu do lado da clase de Infantil.
    Pasámolo en grande cos seus contos solidarios, da paz e a tolerancia, do respecto a outras culturas, contra a guerra... Mola moito Anxo Moure.


 Esta sesión de contacontos forma parte da programación do noso proxecto Somos quen, que, a súa vez, está integrado no Proxecta de Voluntariado Miúdo Móvete da Xunta de Galicia.
Ronroneos e miañadiñas
Mica Bigotes

Mes da poesía

Ola a tod@s!!
   

Que fermoso foi o mes de marzo, cheo de versos.
A primavera, as flores, o sol... foron os elementos que acompañaron aos poemas escollidos en cada titoría para ter un lugar de honra na entrada da aula.
Neste Mes da Poesía 2022 houbo tamén , no ano no que se conmemora o centenario do seu nacemento,  unha referencia especial no mural da entrada á finada poeta galega Luz Pozo Garza.


Ronroneos e miañadiñas
Mica Bigotes

Hoxe, Daniel

Ola a tod@s!!
  
     Mirade que atent@s están.
     Encántalles recibir estes contos que as nenas e os nenos maiores len para el@s.
     @s maiores fanno con moitísimo cariño. Botan moito en falta o contacto cos pequerrechos. Gustáballes ir ler á súa clase. Tamén leval@s nos seus equipos de biblioteca e aprenderlles cousas. E mirar por el@s nos recreos. E compartir bosque. E facer apadriñamentos. E...



Ronroneos e miañadiñas
Mica Bigotes

Lois é contacontos

Ola a tod@s!!

Ronroneos e miañadiñas
Mica Bigotes

2 de abril


CHEGOU ABRIL!

Ola a tod@s!!
   Xa temos aquí o mes de abril! O mes no que, se os tempos foran outros, teriamos os nosos ama-padriñamentos lectores dos que tanto gozamos. O día 23 celebraremos o Día do Libro, mais ata daquela a lectura, coma sempre, será a nosa protagonista.
   @s maiores, voluntari@s tod@s, non quixeron perder a oportunidade de ler para os compañeiros e compañeiras que están aínda en Infantil.
   O mesmo día 1, de primeiro, tocoulle a Pedro. Aquí o tedes.



Ronroneos e miañadiñas
Mica Bigotes

O Sistema Solar

Ola a tod@s!!
   O Rato Gordecho e máis eu gozamos enormemente co alumnado do Primeiro Ciclo. Fan cousas chulísimas!


Ronroneos e miañadiñas
Mica Bigotes

DÍAS DE RADIO

Ola a tod@s!!
   O alumnado de 5º e 6º participou en cadanseu obradoiro de radio con dous grandes comunicadores das ondas galegas. Aprenderon moitísimo e gozaron un montonazo. 
    Aprender é divertido!!! Miau!
    Xa sabiamos que a radio é unha ferramenta formidable en todos os aspectos, e da gusto ver como cada vez as nenas e os nenos están máis motivados. Engancha!


Ronroneos e miañadiñas
Mica Bigotes
Ola a tod@s!!
   Unha vez máis, o alumnado do 1ºCiclo gozou dunha xornada de biblio no espazo fedelleiro. 
   Tratábase de deletrar palabras. O que máis lles presta é formar os seus propios nomes. Como non!
   Aprender de forma divertida, mola; penso eu. E vendo o ben que o pasaron, non queda dúbida ningunha.
   Miau!


Ronroneos e miañadiñas
Mica Bigotes

Mochila nº15

Ola a tod@s!!
   

Hoxe saiu por vez primeira a Mochila nº15. Contén materiais do 3ºCiclo. Ampliamos con ela a nosa oferta de mochilas viaxeiras. Non está nada mal o número,  tendo en conta que dan servizo a menos de 60 alumn@s.

           Moitas grazas, familias!

Ronroneos e miañadiñas
Mica Bigotes

MULLERES

Ola a tod@s!!
   Dende hoxe, as aulas das titorías teñen nome de muller.  Este proxecto, que ainda está en proceso, enmárcase na educación en e para a igualdade. Quixemos inaugurar os letreiros esta semana por coincidir coas celebracións do 8 de marzo. 


Ronroneos e miañadiñas
Mica Bigotes

English

Ola a tod@s!!
   Vai tempo máis divertido que pasaron onte con Kevin! Houbo dous pases deste contacontos en inglés. O primeiro foi para 1º e 2º e o segundo para as nenas e nenos de Infantil. Canto inglés falaron! Mágoa der non poder ir tod@s xunt@s... (xa queda menos. Miau!).



Ronroneos e miañadiñas
Mica Bigotes

MURAL

Ola a tod@s!!
   Que traballos marabillosos é posible facer cando colaboramos e participamos tod@s. Á vista está.


Grazas, profe Rocío!
Ronroneos e miañadiñas
Mica Bigotes

SEMILLEIROS

Ola a tod@s!!
   

Non hai maneira máis fermosa de aprender a coidar á Natureza que metendo as mans na terra, queréndoa, vendo como medran as plantas e as flores, gozando co seu coidado, dedicándolle tempo e cariño. Nesas están. E ben se ve que é unha das actividades na que poñen agarimo, entusiasmo e alegría. E canto relaxa!


Ronroneos e miañadiñas
Mica Bigotes