As que saben, saben
Ola a tod@s!!
Pensades que hai algo que nos guste máis que recibir mamás e papás, des@s que veñen ler, contarnos cousas, aprendernos daquelo que saben? Pensabades que non? Pois que saibades que ainda nos gusta máis que veñan avós e avoas!!! Saben tanto!!!
Etiquetas:
Lectura e familias,
proxectos,
SEM
Abellas
Ola a tod@s!!
Hoxe visitou a nosa biblioteca a mamá de Teo Antón. Como as nenas e os nenos de Educación Infantil están facendo un proxecto sobre as abellas e ela diso sabe moito, deunos a todos unha charla sobre o perxudiciais que para estes importantes insectos son os pesticidas.
Divina Arnoso
Ola a tod@s!!
Hoxe tivemos o pracer de contar coa presenza de Divina Arnoso para explicarnos o pasado de Fene, as pegadas da emigración a Cuba e, máis polo miúdo, a arquitectura indiana. Resultounos moi interesante e axudounos a comprender mellor todo o relacionado co proxecto que estamos realizando en colaboración coa ANPA e as familias.
Ronroneos e miañadiñas
Mica Bigotes
Día Mundial da Síndrome de Down
Ola a tod@s!!
Un ano máis sumámonos a campaña de Down Galicia para reivindicar que estas persoas non sexan observadas como seres inferiores y destacar de maneira especial a importancia da súa inserción laboral.
Votación
Ola a tod@s!!
Hoxe fixemos a votación para escoller a muller que ía ser homenaxeada neste curso 2023 coa dedicación dunha das nosas aulas. Tiñamos cinco candidatas, todas elas con grandes méritos, en diferentes ámbitos, e, polo tanto, merecedoras de tal recoñecemento. Mais, non puidemos elixir unha soa! Empate! Así que, dende xa, o noso ximnasio levará o nome de Desirée Vila (Miau!) e a aula de música será Luz Casal (Miau!).
Ronroneos e miañadiñas
Mica Bigotes
Semana da Prensa
Ola a tod@s!!
A pasada semana (6-10 de marzo) conmemoramos a Semana da Prensa. Son uns días para achegarnos máis de preto a este medio e traballalo de maneira especial nas aulas. O Rato e máis montamos esta pequena exposición para incentivar o préstamo de periódicos e revistas.
Ronroneos e miañadiñas
Mica Bigotes
Tempo compartido
Ola a tod@s!!
Estes momentos de relax que pasamos o Rato e máis eu cando están as nenas e os nenos na biblio gozando do seu tempo e compartindo xogos e lectura non teñen prezo. Miau!
Obradoiro de poesía
Ola a tod@s!!
Que tarde tan fermosa vivimos hoxe na nosa biblioteca! Fixemos, cooperativamente, un poema colectivo, nada menos que da man de Yolanda Castaño. Que pracer tela con nós! Grandes e pequenos sentimos como voou o tempo entre versos.
Grazas, Yolanda, por compartir a túa arte, pola túa simpatía e agarimo.
Moitas grazas!
Ronroneos e miañadiñas
Mica Bigotes
Primeir@s lector@s
Ola a tod@s!!
Curso tras curso vivo un momento especial. E non falla! É ese momento máxico no que @s primeir@s lector@s, cando teñen dous minutos perdidos, nos que teñen que esperar por algo, se teñen libros á man, póñense a ler de maneira espontánea, e non reparan en nada do que hai en derredor. Nin caeron na conta de que eu estaba aí! E da foto menos! (Miau!).
Curso tras curso vivo un momento especial. E non falla! É ese momento máxico no que @s primeir@s lector@s, cando teñen dous minutos perdidos, nos que teñen que esperar por algo, se teñen libros á man, póñense a ler de maneira espontánea, e non reparan en nada do que hai en derredor. Nin caeron na conta de que eu estaba aí! E da foto menos! (Miau!).
Contos solidarios
Ola a tod@s!!
Hoxe tivemos unha hora moi divertida. Recibimos ao noso gran amigo Anxo Moure. Como moi ben di el a nosa relación é xa de longos anos, dende aqueles tempos nos que nos visitaba o seu bisavó o Apalpador (miau!). Fainos chegar montes e moreas de cariño, para nós, para os montes, para as árbores, para eses nenos e nenas refuxiados que o están a pasar mal... A súa "pazdeireta" é música de esperanza.
Nós somos quen de cambiar o mundo. Grazas, Moure, por non cansar nunca de recordárnolo.
Ronroneos e miañadiñas
Mica Bigotes
Etiquetas:
Contacontos,
solidariedade,
Somos que,
voluntariado
Lectura e familias
Ola a tod@s!!
Hoxe, 1 de marzo, abriuse o período de inscrición para o primeiro dos obradoiros do programa Lectura e Familias. Contamos con tres ponentes de excepción, tres autoras galegas, tres mulleres, que visitarán o noso centro grazas a este proxecto das Bibliotecas Escolares de Galicia.
Podedes apuntarvos no formulario do código qr que aparece no cartel.
Contamos con vós!
Ronroneos e miañadiñas
Mica Bigotes
Subscribirse a:
Publicacións (Atom)