Día de Rosalía 2017

Ola a tod@s!!

Para conmemorar a data de nacemento da gran Rosalía, a Asociación de Escritores en Lingua Galega, propuxo a actividade  RosalíaTe. Tal como vimos facendo fai anos, participamos nela.
Aquí podedes vernos ben "rosaliados":

Pero neste gran día participaron todas as nosas familias. E, antes de nada, "rosaliamonos" na casa.

 Despois tocou desfrutar na nosa biblio dos tan fermosísimos versos como nos deixou. Tivemos a sorte de que algúns papás, mamás, padriños... viñeran ler con nós.
Canto desfrutamos! Non sabedes o que nos gusta que estedes con nós e compartades o traballo que facemos!

Mais non ían participar so os maiores, non? Que levabamos xa tempo traballando sobre a autora e queriamos amosar o maravillosos que nos parecen os seus poemas!

E, como non, tamén fixemos a pertinente ofrenda "floral" que ben merece.

 Por si todo o anterior fora pouco (que non foi) o alumnado de 5º e 6º quixo homenaxeala rapeando o coñecido poema Adiós ríos, adiós fontes.

Foi un día fantástico! O rato e mais eu (pese a estar agochados) desfrutamos moitísimo. Temos un lugar privilexiado dende o que se ve todo e se escoita todo.

Moitas grazas!

Ronroneos e miañadiñas

Mica Bigotes

Graffiti Rosalía - a fenda nos muros

Ola a tod@s!!

O mes pasado a Asociación de Escritoras e Escritores en Lingua Galega (AELG) fíxonos o seguinte reto:

Rosalía de Castro é unha fenda.

Unha ferida aberta nas conciencias.

A voz que sempre nos asombra.

Querémola viva,

sabémola ceiba.

Querémola pola rúa,

nos barrios e nos arrabaldes,

nas aldeas e nas prazas,

nas fachadas brancas dos edificios.

Queremos que os seus versos nos invadan,

fender con eles o mutismo das paredes.

Para que a súa voz ilumine os muros.

Alta e clara como murmurio e como berro.

Por iso, convidámosvos a participar en graffitiRosalía.

E nós, por suposto, aceptámolo! Que si, que si, que estivemos pintando as paredes! (Non llo digades @s profes...). 

 Aínda nos queda un pouquiño por rematar, pero... a que está quedando chulísimo?

Aquí nos podedes ver traballando duramente:

Ronroneos e miañadiñas

Mica Bigotes

Día de Rosalía

Ola a tod@s!!

Esta semana a Academia de Escritoras e Escritores en Lingua Galega, propúxonos celebrar o Día de Rosalía recitando varios dos seus poemas. Todo o mundo estaba nerviosísimo, incluidos o rato e máis eu, pero fixémolo moi ben, non si?

Ademáis estivemos moi atarefad@s buscando tódolos libros que tiñamos sobre a autora para que poidades ler e reler os poemas que máis vos gusten, cal é o teu preferido?

Miañadiñas e ronroneos

Mica Bigotes