E... no verán: lectura!

Ola a tod@s!!

   Isto acábase. Pero a lectura, non. Que bo momento as vacacións para gozar dun bo libro!

          

Ronroneos e miañadiñas

Mica Bigotes

Diplomas

Ola a tod@s!!

   Este curso está a piques de rematar. 3, 2, 1 e... xa! Quedáronme moitas cousas sen contar. Son tantas as que fan as nosas nenas e nenos que non dou atopado o momento para asomarme por aquí. E se o rato agocha as fotos (cousa que fai a cotío), peor aínda...

   Hoxe tocou repartir diplomas. A todos os cursos. Aquí vos deixo unha foto d@s maiores. Canto levan traballado este ano! E se é traballo desinteresado e solidario, mellor que mellor.

   Canto imos botar en falta e ese grupiño que marcha! Menos mal que nos deixaron a súa pegada.

Ronroneos e miañadiñas

Mica Bigotes

Día do medio ambiente

Ola a tod@s!!
   Hoxe recibimos uns lapis moi especiais; teñen sementes de albahaca para plantar. Son un agasallo de Teachers for Future por participar no seu reto #fagamosuntrato para coidar os océanos. Traballar ben ten premio! E, de paso, conseguimos outros dous cromos para o album dos ODS!

Ronroneos e miañadiñas

Mica Bigotes