Día do medio ambiente

Ola a tod@s!!
   Hoxe recibimos uns lapis moi especiais; teñen sementes de albahaca para plantar. Son un agasallo de Teachers for Future por participar no seu reto #fagamosuntrato para coidar os océanos. Traballar ben ten premio! E, de paso, conseguimos outros dous cromos para o album dos ODS!



Ronroneos e miañadiñas
Mica Bigotes

Lendo, lendo...

Ola a tod@s!!
   Seguimos. Lendo ata o último día. Neste cole le todo o mundo e a todas horas: nenos, nenas, profes, familias, ratos e gatas (Miau!)

Ronroneos e miañadiñas
Mica Bigotes

Correlingua

Ola a tod@s!!
   Aí estivemos, coma sempre. A causa ben o merece, ou non? E, por riba, pasámolo pipa, con tan boa actuación musical. Encántanos Peter Punk!


Ronroneos e miañadiñas
Mica Bigotes

Letras Galegas 2023

Ola a tod@s!!
   Por fin! Había no cole moitas ganas de que o Día das Letras Galegas volvera a ser o noso "día grande". E, finalmente, así foi: neste 2023 recuperamos a nosa pequena foliada no bosque.
   Había nervios (que o Rato e mais eu ben que nos decatamos) porque, unha vez que se perden as rutinas parece que un non sabe por onde anda, e as profes tiñan un pouco de medo de non ter todo preparado cando chegase o día. Pero non, foi unha xornada estupenda: unha xornada de convivencia coas familias, de alegría, de música, de cultura, de homenaxe aos nosos autores e autoras, con Francisco Fernández del Riego de homenaxeado principal, claro!..
   Todo a alumnado bailou a nova canción das Tanxugueiras (Aire) e o alumnado de 6º representeou a obra de Eva Mejuto "As cousas de don Paco" en formato radiofónico. Estivo xenial! 
   Un gran día!
Grazas, familias!


Ronroneos e miañadiñas
Mica Bigotes

O Pote

Ola a tod@s!!
   A asociación O Pote convidounos a celebrar a festa dos maios con eles. Fíxonos moitísima ilusión, despois de estes anos que pasamos sen poder achegarnos ata alí e compartir con elas este día. Vivimos unha mañá estupenda: unha boa camiñada, a fermosa paisaxe de Maniños, os cabalos que vimos, o fermoso traballo que realizamos, as coplas tradicionais que cantamos, a gran merendola, a boa compañía... Todo de 10. O tempo de dez non foi, pero ainda tivemos sorte, que foi aguantando; e chover, choveu cando nós estabamos a cuberto.
Bonito día!
Ronroneos e miañadiñas
Mica Bigotes

Robótica en 2º

Ola a tod@s!!
   O que ten este Rato agochado! Atopei tamén algunhas fotos da clase de 2º no espazo maker. A saber cantas máis ten! Vedes canto aprenden coa robótica? Encántalles subir e aprender xogando. A quen non?


Ronroneos e miañadiñas
Mica Bigotes

Segundo

Ola a tod@s!!
   Todiñas ás da poesía tiña metidas o Rato Gordecho no seu caixón. Miau! Seguro que as que faltan as vai ter agochadas el tamén por algún sitio. Este rato...!

Ronroneos e miañadiñas
Mica Bigotes

Poemas, poemas...

Ola a tod@s!!
   Máis cousas do caixón: a fermosa porta da aula de 3º e 4º, cun poema de Antonio García Teijeiro.

Ronroneos e miañadiñas
Mica Bigotes

Poesía

Ola a tod@s!!
   Outra foto recuperada do caixón do Rato Gordecho! (Ese caixón é coma un caixón de xastre). Podedes ver algúns dos poemas aportados polas familias no mes de marzo para o noso mural Enrédate coas estacións.


Ronroneos e miañadiñas
Mica Bigotes

O coelliño branco

Ola a tod@s!!
   Aí seguen os nosos contacontos! Desta vez, foron Martiño e Lara os que viñeron ler á biblioteca para as nenas e nenos de Infantil. Moitas grazas!

Ronroneos e miañadiñas
Mica Bigotes

Coidado do medio

Ola a tod@s!!
  O xoves, a clase de Jesús baixou ata a Confraría. Estiveron moi atent@s a todas cantas cousas viron e a todo o que lles contaron. Non perderon detalle das condicións deplorables nas que se atopa a ría. Despois déronlle unha batida á ribeira. Quitaron un montón de lixo!


Ronroneos e miañadiñas
Mica Bigotes

Ponte nas ondas

Ola a tod@s!!
   O Rato acaba de achegarme esta foto do día que tivemos o obradoiro de radio de Ponte nas Ondas. E xa choveu! Verdade? Como é, non hai rato máis trasno que este rato noso. Ai, Rato Gordecho, cantas nos fas pasar... 


Ronroneos e miañadiñas
Mica Bigotes
Ola a tod@s!!
   Isto é Galicia! E chove. Por iso, A Gran Lectura que é como chamamos aos apa-amadriñamentos lectores do Día do Libro, tiveron que ser adiados. Pero, finalmente, celebrámolos o venres. Coma sempre, foi lindo ver a todo o alumnado lendo xunto, despois de tanto tempiño como houbo que deixar de facer isto así.


Ronroneos e miañadiñas
Mica Bigotes

TEI

Ola a tod@s!!
   Non falaramos nunca de que, por fin, neste curso puidemos recuperar o TEI. Lembrades o que é? Si, a titoría entre iguais. Pois que saibades que unha das actividades que fixeron foi un apadriñamento lector. E aí estiveron e están, facendo lecturas compartidas os martes.


Ronroneos e miañadiñas
Mica Bigotes

Teachers for future

Ola a tod@s!!
   A ONU acaba de incluir Teachers for Future Spain na súa web, no apartado My Climate Action. Fomos informados de tan boa nova porque nós tamén formamos parte deste movemento e traballamos en prol do medio ambiente.


Sen ir máis lonxe, aquí están hoxe plantando unhas "cabañetas" de bambú que van levar chícharos.


Ronroneos e miañadiñas
Mica Bigotes

O xardín de Irene

Ola a tod@s!!

"... andan tolas as abellas
zugando de flor en flor,
porque o mel é cousa delas..."


   Lembrades canto saben as nenas e nenos de Infantil sobre as abellas? Seguro que por iso escolleron este poema, aló no mes de marzo, para colocar na súa porta.
    Primavera e poesía, unha parella fermosa coa que fixemos cousas chulas, e eu ainda non amosara ningunha. Así que, poño esta dos pequerrechos. Bonito, verdade?
Ronroneos e miañadiñas
Mica Bigotes

Voluntariado

Ola a tod@s!!
   Chegou a hora de presentar a memoria do voluntariado. E non sabedes ben canto axudan estes nenos e nenas. Sen o seu traballo desinteresado ao longo de todo o curso a nosa biblio, sen dúbida, funcionaría un pouco peor. Son fantástic@s!


Ronroneos e miañadiñas
Mica Bigotes

Tarde de teatro

Ola a tod@s!!
   Esta tarde recibimos a María Torres, de Elefante Elegante, grazas ao programa Lectura e Familias. O Rato e máis eu, coma sempre, estivemos no noso furadiño observando. Penso que todas cantas persoas alí estiveron gozaron do tempo que con ela pasaron. 


Ronroneos e miañadiñas
Mica Bigotes

Lectura

Ola a tod@s!!
   Neste cole todos somos voluntarios de lectura, len as familias, as nenas e nenos maiores son contacontos e nós tamén contamos. Sabédelo, verdade?

Ronroneos e miañadiñas
Mica Bigotes

22 de abril: Día da Terra

Ola a tod@s!!
   Hoxe é unha desas datas que non podemos deixar de destacar. É necesario tomar moi en serio o coidado do planeta; pero moi, moi en serio; e xa. É sábado, por iso, as actividades especiais para celebrar este día fixémolas onte.


Ronroneos e miañadiñas
Mica Bigotes

Alegría!

Ola a tod@s!!
   Hoxe tivemos no cole unha invitada moi especial: a profe Maribel! Ían xa anos que non pasaba por aquí. Canta alegría nos trouxo! Convidárona as nenas e nenos de 3º e 4º para entrevistala, como parte do seu proxecto. 
   Sei de dúas nenas que estaban realmente emocionadas. Elas foron quen tiveron a idea de chamala; recórdana con moito agarimo e son coñecedoras de canto sabe. 
   Pasou pola biblio, claro, para comprobar se estamos a coidarlla ben. Penso que foi contenta co que veu. O Rato e máis eu, quedamos encantados coa súa visita. Como non, se foi ela quen coidou de nós cando viñemos dar aquí.

Ronroneos e miañadiñas
Mica Bigotes

Robótica

Ola a tod@s!!
   Aínda non amosara ningunha fotografía da clase de 5º e 6º nos obradoiros de robótica, verdade? E mira que levan tempo con eles! Penso que de 1º, tampouco. Non pensedes que eles non tiveron; que si que foron, eh! A saber onde andan as fotos... Seguro que agochounas o Rato, que encántalle xogarme malas pasadas. Xa sabedes como é! Un demo de rato! (Miau!)


Ronroneos e miañadiñas
Mica Bigotes

Saúde

Ola a tod@s!!
   O luns tivemos unha interesantísima charla na biblio. Viñeron tres odontólogas a aprendernos a maneira correcta de coidar a nosa saúde bucodental. Explicaron moitísimas cousas que non sabiamos. Nin as profes as sabían! O Rato, nin escoitara falar de cousa tal... (non llo digades a ninguén, pero el nin vai ao dentista!).


Ronroneos e miañadiñas
Mica Bigotes

Mamá de Lola

Ola a tod@s!!
   Onte veunos ler a mamá de Lola, pero non subiu á biblio, porque había outra actividade. Tanto ten! As nenas e os nenos de 1º e 2º gozaron igual do fermoso conto que veu ler.


Ronroneos e miañadiñas
Mica Bigotes

Proxecto arquitectura indiana

Ola a tod@s!!
   Rematamos o noso proxecto sobre a arquitectura indiana de Fene celebrando unha festa.
Foi este un fermoso proxecto no que aprendimos moito sobre a nosa historia, sobre o patrimonio fenés, sobre a emigración...
Foi tamén un proxecto moi especial porque as familias estiveron implicadas de forma directa; é máis, foron elas as que levaron adiante a iniciativa, a planificación, o produto final... e cunha  dedicación encomiable!
Grazas de maneira especial a María e Noe, sempre dispostas a axudar. E de que maneira!
   Con este proxecto imos participar no concurso "Somos rural" das ANPAS galegas. Sexa cal sexa o resultado, nós o premio xa o tivemos mentres traballamos neste fermosísimo proxecto, do que tanto gozamos.

Resumo: un proxecto marabilloso!
Moitas grazas!!!


Ronroneos e miañadiñas
Mica Bigotes

Encontros Plambe 2023

Ola a tod@s!!
   Un ano máis a coordinadora da biblioteca asistiu aos Encontros Plambe no Auditorio de Galicia de Santiago de Compostela. Coma sempre, resultou ser unha xornada maratoniana e, desta vez, nunha data pouco apropiada; mais, con todo, interesante e fructífera. Non hai máis que ver esta foto, recollida da Asesoría, para comprobar que, aínda que soamente fora por asistir ao peche, coa presencia da incomparable Helena Villar Janeiro, xa tería valido a pena.


Ronroneos e miañadiñas
Mica Bigotes

Exposición fotografías

Ola a tod@s!!
   Xa están expostas todas as fotos recibidas no proxecto da arquitectura indiana. Mañá realizaremos as votacións para escoller cal serán as 10 que presentaremos ao concurso.
   Sorte a tod@s! Bo traballo!
Ronroneos e miañadiñas
Mica Bigotes

As que saben, saben

Ola a tod@s!!
    Pensades que hai algo que nos guste máis que recibir mamás e papás, des@s que veñen ler, contarnos cousas, aprendernos daquelo que saben? Pensabades que non? Pois que saibades que ainda nos gusta máis que veñan avós e avoas!!! Saben tanto!!!
   O luns estivo Dulce na biblio coa clase de Educación Infantil. Dulce é apicultora. Tamén é a avoa de Navia e Osián. E de abellas sabe... sabe todo e un pouco máis. Trouxo libros para ensinarnos, gravou un vídeo das súas colmeas e, por riba, tróuxonos mel!

Ronroneos e miañadiñas
Mica Bigotes
Ola a tod@s!!
   Verdade que nunca puxera unha foto do segundo grupo de voluntariado de biblioteca? Pois nin imaxinades canto axudan!

Ronroneos e miañadiñas
Mica Bigotes

Mamás lectoras

Ola a tod@s!!
   O venres, na hora de ler, escoitamos un conto con aventuras fantásticas. Leron Mateo Montero, de 1º de Primaria, e a súa mamá. Gústanos moitísimo que veñan as familias a lernos contos; sempre é unha sorpresa ver quen se atopa na biblioteca esperando por nós!

Ronroneos e miañadiñas
Mica Bigotes

Abellas

Ola a tod@s!!
   Hoxe visitou a nosa biblioteca a mamá de Teo Antón. Como as nenas e os nenos de Educación Infantil están facendo un proxecto sobre as abellas e ela diso sabe moito, deunos a todos unha charla sobre o perxudiciais que para estes importantes insectos son os pesticidas.
Ronroneos e miañadiñas
Mica Bigotes

Divina Arnoso

Ola a tod@s!!
   Hoxe tivemos o pracer de contar coa presenza de Divina Arnoso para explicarnos o pasado de Fene, as pegadas da emigración a Cuba e, máis polo miúdo, a arquitectura indiana. Resultounos moi interesante e axudounos a comprender mellor todo o relacionado co proxecto que estamos realizando en colaboración coa ANPA e as familias.
Ronroneos e miañadiñas
Mica Bigotes

Día Mundial da Síndrome de Down

Ola a tod@s!!
   Un ano máis sumámonos a campaña de Down Galicia para reivindicar que estas persoas non sexan observadas como seres inferiores y destacar de maneira especial a importancia da súa inserción laboral.
            
    
Ronroneos e miañadiñas
Mica Bigotes