Troco de libros

Ola a tod@s!!

   Este curso, con ocasión do Día do Libro, organizamos unha actividade nova. Resultou un pouco máis caótica do que debería; era a primeira vez, e a inexperiencia, xa se sabe... Hai que aprender dos erros. Pero, pese a todo, resultou un éxito rotundo. De seguro que o próximo ano, todo irá un pouco máis rodado. Miau!

Ronroneos e miañadiñas

Mica Bigotes

A gran lectura

Ola a tod@s!!

   Chegou abril caseque sen darnos de conta... Con el, chegou a hora de celebrar A gran lectura, esa gran actividade de "apaamadriñamentos" lectores, que tanto lles gusta.

Houbo sorte e tivemos un día solleiro (Miau!) para poder gozar dos ibros, da lectura e do noso marabilloso patio.

Ronroneos e miañadiñas

Mica Bigotes

Papá lector

Ola a tod@s!!

  Que mellor que ler fóra cando chega o mes de abril!

Ronroneos e miañadiñas

Mica Bigotes

Apadriñamentos Lectores

Ola a tod@s!!

   Cómo nos gustan @s apa-amadriñamentos lectores!

 Este ano, se sempre o facemos, con maior placer desfrutamos da lectura baixo as árbores.

 Qué fermoso temos o bosque! 

Ronroneos e miañadiñas

Mica Bigotes

Sementando lectura

Ola a tod@s!!


Ta-ta-ta-chán!!! Atención, atención: que estreamos recuncho novo!! 

O Rato e máis eu vimos de prantar unha horta. De leitugas?? Nooooon! De libros, por suposto. É que esta nova iniciativa chámase: "Sementando lectura". 


Esta vez, pensamos nos papás e mamás, nos tíos e tías, avós e avoas, na conserxería, no servizo de limpeza, nos profes... e en tódol@s adult@s que pasan polo cole e forman parte da comunidade educativa. Isto é só para vós.

Como funciona? Moi sinxelo:

1. Pásate polo recuncho "Sementado lectura", na entrada do cole, ao lado do sofá vermello.

2. Escolle un libro que che apeteza ler. Difícil decisión!! Lembra que antes de levalo debes deixar outro libro a cambio (un que che pareza que os demáis poidan ter interés en ler, claro, nada de deixar tomos de enciclopedia!!!)

3. Colle unha pegatina "Sementando lectura" da caixa amarela.

4. Pégaa no libro que vas deixar na estantería. Así:

5. Divírtete coa túa lectura e, cando remates libera o libro de novo no noso recuncho ou en algún outro punto de "Bookcrosing" ou similar. Se queres coñecer os puntos oficiais de intercambio libre de lecturas, fai clic aquí, pero hai moitos máis!! 

Esperamos que vos guste e que vos animedes a sementar moitas lecturas.

Ronroneos e miañadiñas

Mica Bigotes

Abril, mes do libro

Ola a tod@s!!


Bang!!! Disparo de saída para o comezo do mes do libro na biblio "Paula Carballeira".

A carreiras andamos o Rato Gordecho e máis eu argallando tódalas sorpresas que temos preparadas para o mes máis importante do ano. Comezamos??  

Este mes a Asociación Galega do Libro Infantil e Xuvenil (GALIX) propúxonos facernos un "selfie" co noso libro favorito a fin de conmemorar o 2 de abril (Día Internacional do Libro Infantil). Así que tod@s puxemos a nosa mellor cara para saír na foto e aquí tendes o resultado:

Se o queredes ver con máis detalle, achegádevos ata o cole e buscade as fotos no panel da entrada. 

Tamén inauguramos exposición, porque ler encántanos, pero, que tal se nos da ser escritor@s?? Pois xenial!! Como todo o que nos propoñemos!

Para mostra, podedes visitar na Biblio a exposición: "Feito por nós: somos creador@s" Sómosche un cole con moita obra propia!

Xa vedes, nesta biblio temos lector@s, pero tamén grandes escritor@s. Ben feito a tod@s!!

Ronroneos e miañadiñas

Mica Bigotes

Escoitando coa boca aberta

Ola a tod@s!!

Nestes últimos días, moitos papis e mamis viñeron ler á nosa biblio para conmemorar o mes do libro. Aquí tendes algunhas fotos que lles encarguei ás reporteiras do cole.

Ollo ás caras de interés d@s máis pequen@s; para que logo digan que non nos gusta ler!! 

E un grande aplauso para Noe!

Aquí Pilar debía estar contando un conto moi interesante, porque @s nen@s de infantil estaban ben caladiñ@s (e gústalles moito falar, dígovolo eu!):

Miguel veunlles ler @s mais maiores "Alicia no país das Marabillas". Marabillad@s quedamos tod@s!

Ronroneos e miañadiñas

Mica Bigotes

Máis contos, máis!!

Ola a tod@s!!

Hoxe tivemos unha nova xornada de lecturas a cargo das mamás e papá máis atrevid@s! 

Pilar veu ler á clase de terceiro:

 

Gloria veu á clase de terceiro ciclo:

 

Javier leunos na biblio aos nen@s de cuarto:

E Cristina deixou encantados aos máis pequen@s:

 

Moitas grazas!

Ronroneos e miañadiñas

Mica Bigotes

Contos e máis contos

Ola a tod@s!!

Seguimos cos "apamadriñamentos" para celebrar o mes do libro. O venres tivemos a sorte de contar con Gloria e Javier, que viñeron a lernos contos aos máis pequech@s do cole. Mirade que atentiñ@s estaban tod@s! E que é unha sorte ter alguén que nos lea un conto. Moitas grazas!

Ronroneos e miañadiñas

Mica Bigotes

Entrevistas gatunas: O libro favorito de Xiao.

Ola a tod@s:

Aquí Mica-Reporteira cunha entrevista fresquiña, atención ás recomendacións de Xiao:

MICA-REPORTEIRA: Ola Xiao! Que nos traes?
XIAO: Traio un libro titulado "Busca fieras - EPOS: el pájaro en llamas", o número seis da colección.

MICA-REPORTEIRA: Así que é dunha colección.
XIAO: Si, en total son 18 libros, máis dous especiais; de momento, non sei se publicarán máis.

MICA-REPORTEIRA: Como se chama o autor?
XIAO: Adam Blade.

MICA-REPORTEIRA: Liches o resto dos libros da colección?
XIAO: Si, linos todos e encantoume a colección.

MICA-REPORTEIRA: Pero o teu favorito é este, por que?
XIAO: Porque trata sobre a miña fera favorita, que é coma un Fénix, ademais, este é coma o derradeiro libro da primeira temporada. En total serían tres temporada.

MICA-REPORTEIRA: E é todo de aventuras, non? Quen é @ protagonista?
XIAO: Un neno que se chama Tom, que ten 13 anos e é orfo, vive cos seus tíos. Un día o rei descobre que é fillo do mellor guerreiro da cidade e encoméndalle unha misión, ten que ir buscar ás feras e derrotalas. 

MICA-REPORTEIRA: Por que o recomendarías?
XIAO:  Porque é de aventuras e é moi entretido. A min regaláronmo en verán e paseino na miña habitación lendo toda a colección. Ademais son libros non moi grandes e doados de ler.

Ronroneos e miañadiñas

Mica Bigotes

Entrevistas gatunas: O libro favorito de Manuela

Ola a tod@s:

Aquí tedes unha nova reportaxe dos protagonistas do cole estos días, @s nen@s?? Non!!! Os libros!




MICA-REPORTEIRA: Ola, Manuela!
MANUELA: Ola!

MICA-REPORTEIRA: Que libro nos trouxeches?
MANUELA: "Tita"

MICA-REPORTEIRA: Tita? Así sen máis? Que nome máis curtiño! E como se chama a autora?
MANUELA: Chámase Concha Blanco.

MICA-REPORTEIRA: De que vai este libro?
MANUELA: Resulta que un día desaparece a avoa de Tita, pero ela descubre que en realidade non desapareceu, senón que está vivindo nun asilo. Alí a avoa coñece ao seu mozo e marchan os dous a vivir no piso de arriba de Tita.

MICA-REPORTEIRA: Por que é o teu libro favorito?
MANUELA:  Porque me recorda á miña avoa e porque é un libro de intriga e paréceme divertido.

MICA-REPORTEIRA: Gustaríache ser coma Tita e pasar aventuras coma ela?
MANUELA:  Si, sería divertido, ainda que tamén un pouco triste, porque Tita pásao un pouco mal.


MICA-REPORTEIRA: Por que recomendarías aos demais este libro?
MANUELA:  Porque a min gustoume moito e porque me parece intrigante.

Ronroneos e miañadiñas

Mica Bigotes

Entrevistas gatunas: o libro favorito de Lucía

Ola a tod@s:

Xa temos outra entrevista recén saída do forno, está vez é Lucía de 5º a que nos conta que libro lle roubou o corazón.





MICA-REPORTEIRA: Ola Lucía!
LUCÍA: Ola!

MICA-REPORTEIRA: Viñeches co teu libro favorito, non? Cal é?
LUCÍA: É "Kika superbruja revoluciona la clase"

MICA-REPORTEIRA: Quen é o autor dese libro?

LUCÍA: Chámase Knister.

MICA-REPORTEIRA: De que trata este libro?
LUCÍA: Pois porque vai dunha nena que atopa un libro de maxia debaixo da súa cama e dende ese momento gústalle moito facer conxuros. Despois leva o libro a clase e axuda á mestra a enfrentarse ao inspector

MICA-REPORTEIRA: Por que che gusta tanto este libro?
LUCÍA: Porque é moi divertido e Kika tamén é divertida

MICA-REPORTEIRA: Gustaríache ter poderes coma Kika?
LUCÍA: Si, algún, de vez en cando.


MICA-REPORTEIRA: Hai máis libros de Kika Superbruxa, verdade? Liches algún máis?
LUCÍA: Si, lin algún máis, pero este é o que máis me gusta.


Sabías que...hai máis de 30 libros de "Kika Superbruja". O verdadeiro nome do autor é Ludger Jochmann, un escritor alemán que tamén escribeu outras series de libros coma "Yoko" ou "Quique y Lucas locopilotos".

Ronroneos e miañadiñas

Mica Bigotes

Entrevistas gatunas: O libro favorito de Lara.

Ola a tod@s:

Xa sabemos que estades coma tol@s esperando pola segunda entrevista, así que non vos faremos esperar máis. Aquí tendes a Lara, contándonos a súa millor experiencia como lectora.

MICA-REPORTEIRA: Dinos, Lara, cal é o teu libro favorito?
LARA: "Querido estupidiario: mis pantalones están hechizados"


MICA-REPORTEIRA: Que divertido, e quen é o autor?
LARA: É de Jim Menton.


MICA-REPORTEIRA: Este autor debe ser inglés, non?
LARA: Creo que si.


MICA-REPORTEIRA: Cóntanos: por que é o teu libro favorito?
LARA: Porque é divertido, trata dunha nena que conta a súa vida tal como é, e é gracioso.


MICA-REPORTEIRA: Cantos anos ten esa nena?
LARA: Non o di...

MICA-REPORTEIRA: E como se chama?
LARA: Vicky.


MICA-REPORTEIRA: E ti, sénteste identificada coa súa vida?
LARA: Non, non moito


MICA-REPORTEIRA: Moitas grazas, Lara.

Ronroneos e miañadiñas

Mica Bigotes

Entrevistas gatunas: O libro favorito de Alma.

Ola a tod@s:

Abril é o mes do libro na nosa biblio, e iso xa se empeza a notar polos corredores, e senón, que llo digan @s alumn@s de 5º que andaban a correr dun lado a outro co seu libro favorito: "Eu quero que me entrevisten!!! A min, a min!!!". Escoitando os seus desexos, aquí tendes a primeira entrevistada: Alma.



MICA-REPORTEIRA: Cóntanos, Alma, cal é o teu libro favorito?
ALMA: "Bambi"


MICA-REPORTEIRA: Moi ben, e de quen é ese libro?
ALMA: É de Jordi Busquets


MICA-REPORTEIRA: Pero..."Bambi" tamén é dunha película de Disney, non si?
ALMA: Si!


MICA-REPORTEIRA: Tamén che gusta a película?
ALMA: Si, é moi boa!


MICA-REPORTEIRA: Por que é o teu libro favorito?
ALMA: Porque ten un final feliz, ao final triunfa o amor.


MICA-REPORTEIRA: Que bonito! Moitas grazas, Alma
ALMA: De nada, adeus.

Ronroneos e miañadiñas

Mica Bigotes

Día internacional do libro infantil

Ola a tod@s!!

Hoxe, 2 de abril celebramos o DÍA INTERNACIONAL DO LIBRO INFANTIL. Non é unha data calquera, ese mesmo día en 1967 nacía Hans Christian Andersen en Dinamarca. QUE QUEN É ESE???? Coñecédelo seguro!! Seguro que listes, ou alguén vos contou algunha vez: 

O PARRULIÑO FEO
                     
                O TRAXE NOVO DO EMPERADOR
                                          
                                     O SOLDADIÑO DE CHUMBO

                                                                          A SEREIÑA

                                                                                   XAN E O LOBO

                      ...E MOITOS MÁIS (ARREDOR DE 168 CONTOS!)

Xa sabedes que na Biblio "Paula Carballeira" somos moi festeiros, o Rato Gordecho e máis eu non deixamos escapar unha! Así que este més, no que tamén celebramos o "Día Internacional do Libro", temos moita festa por diante. 

Supoño que xa leríades a miña carta e estaredes a prepararvos, non? Ese día estabas enferm@? Non estabas atent@ na clase? Pois baixa do teu planeta e bótalle unha ollada ás cartas deste mes, e non só ti, este mes hai festa para a toda a familia, así que avisa a papá, mamá, avós, avoas, tías, tíos...que se poñan mans á obra!

(fai clic para ler as miñas cartas)

FESTEXOS VARIOS

ONE BY ONE

APADRIÑAMENTOS LECTORES

Que tal un contiño para despedírmonos? Deixovos con este corto do Soldadiño de chumbo "made in Galicia":

O soldadiño de chumbo , a curtametraxe producida por Continental Animación e Algarabía e dirixida por Virginia Curiá e Tomás Conde, recolleu sendos premios nos festivais Rec 09 (Ribadedeva en Corto), celebrado na localidade asturiana de Llanes e no Festival Pata Negra que tivo lugar en Guijuelo (Madrid)

Miañadiñas e ronroneos

Mica Bigotes