Adopta un libro

Ola a tod@s!!

   Coma sempre, queremos darlles unha segunda oportunidade a eses libros que van quedando sen función na nosa biblio.

   Pero desta vez non será posible que adopte todo o alumnado. Así que, o Rato e máis eu seleccionamos algúns libros para que participen as voluntarias e voluntarios de 5º e 6º.

 

    Grazas por esa nova vida que ides regalar a tan fermosos textos.

   (Estou sen máscara porque toda a fin de semana non houbo ninguén comigo. O Rato marchou polo bosque adiante e aínda non deu sinais de vida. Debeu comezar as vacacións pola súa conta...)

Ronroneos e miañadiñas

Mica Bigotes