Foliadiña 2024

Ola a tod@s!!

   Que sorte tivemos! Tanto chover, tanto chover... e, para a nosa foliadiña, escampou! Poidemos así celebrar as Letras como a nós nos gusta: coa  foliadiña no bosque. Un día ben fermoso: convivencia coas familias, música tradicional con veciñas, mamás e antigas alumnas (canta alegría da volver telas por aquí), a homenaxe aos escritores e escritoras galegas, personificada este ano en Luísa Villalta... Recordámola, cantamos, bailamos, comimos, falamos, gozamos...Unha festa! Como ten que ser.

Ronroneos e miañadiñas

Mica Bigotes

Reto conseguido!

Ola a tod@s!!
   O Rato e máis eu damos os nosos parabens a toda esta rapazada de Os Casais que acadou os 700 puntos necesarios para chegar á meta do reto Modo galego. Actívao!

Nós non dubidamos en ningún momento (vale, certo, houbo uns días que si, miau!). Agora, a esperar pola recompensa. Disque é unha sorpresa e debe de ser, porque eu, que me entero de todo todiño canto pasa no cole, desta vez non sei nada de nada. Que será? Ai, cómenme as ganas de descubrilo!!!

Ronroneos e miañadiñas

Mica Bigotes

Fotos perdidas

Ola a tod@s!!
   E siguen aparecendo! E seguirán... Este Rato é un trasno! Temos aquí outra mamá que veu ler; e xa choveu... Mira que lle gusta esconder as fotos! Hai que ver!

Ronroneos e miañadiñas

Mica Bigotes

Recreos

Ola a tod@s!!

   Este curso conseguimos por primeira vez ter aberta e atendida a biblioteca no tempo do recreo para que a cativada puidera pasar aquí o seu tempo de lecer. Foi un éxito rotundo. Mágoa será se no vindeiro curso, por falta de persoal e horario, non podemos facelo, porque os nenos e nenas estaban a gozar libremente dos recursos dos que dispoñemos.

   Vai quedando pouco tempo para ver o ben que o pasan. Estamos xa, coma quen di, na conta atrás.

Ronroneos e miañadiñas

Mica Bigotes

E para rematar...

Ola a tod@s!!

   As últimas lecturas do tempo de lecer no patio veñen cargadas de emoción, de intriga, de misterio. Que ocurrirá? Haberá perigos? Terá solución ese enigma complicado?

   Quen se atreve? Gozade dos libros, que isto está a piques de rematar.

Ronroneos e miañadiñas

Mica Bigotes

Lectura e familias

Ola a tod@s!!

   É unha marabilla poder contar con estas mamás tan dispostas a vir a ler para a rapazada durante todo o curso. Recíbenas sempre con moita ilusión. Aínda que onte os folgos eran escasos, porque tanta calor repentina tíñanos a tod@s esgotad@s. Miau!

Ronroneos e miañadiñas

Mica Bigotes

Formación ODS

Ola a tod@s!!

   Recibimos unha foto da xornada de formación sobre os ODS que o Fondo Galego de Cooperación realizou no concello de Fene para incentivar a implementación da Axenda 2030 no ámbito local. Aí estivemos nós, porque sabemos da importancia da implicación de todos e todas para acadar estas metas, tan importantes para o noso futuro, o do planeta e o da humanidade enteira.

Ronroneos e miañadiñas

Mica Bigotes

Sopa verde

Ola a tod@s!!
   As voluntarias de biblioteca fixeron unha lectura teatralizada do conto de Ángela Madeira: Sopa verde, para todo o alumnado do cole. Foi unha Hora de Ler diferente e moi chula. Que ben o fixeron! Canto gustou!

Grazas, nenas! Sodes fantásticas!

Ronroneos e miañadiñas

Mica Bigotes

Ola a tod@s!!

   Onte o Rato e máis eu levamos un bo susto. De repente, fíxose o silencio. Andei investigando, baixei con coidadiño e so estaba Pedro!!!

Pero... onde ía todo o mundo?

Tardei en caer na conta de que era o Correlingua (vou algo vella).

O Correlingua!!!  (Outra data desas que non debería ser necesario celebrar; pero mentras tanto, aí estamos; sempre).

Ronroneos e miañadiñas

Mica Bigotes