Samaín

   E, coa mesma, cando estabamos coa literatura oral, chegou o Samaín. O rato gordecho e mais eu nin tempo tivemos a botar unha soneca!

 

          Pero non perdemos un minuto para  meternos en fariña e celebrar esta festa que tanto nos gusta.  

O primeiro que fixemos foi rebuscar polos andeis e preparar unha exposición de libros de medo, porque sabemos que os desfrutades moito e é o acaído nestas datas, non?

 Atopamos libros con vampiros, pantasmas, bruxas, escuridade, sombras, monstros tenebrosos... Medos de todo tipo para que cadaquén escolla o que lle pareza máis arrepiante, ou menos, que non tod@s somos valentes, ou si?

    Así e todo, non íamos traballar so nós e decidimos que ben podían tod@s escribir o inicio dunha historia de medo como fixen eu.

 

    Todo o mundo colleu papel e lapis e deixou voar a imaxinación. E foi así como o noso corredor apareceu cheo de historias para completar.

Ronroneos e miañadiñas

Mica Bigotes

Semana da Literatura de Tradición Oral

Ola a tod@s!!

   Cando remataba outubro puxémonos a organizar a Semana de Tradición Oral. Si, esa na que queremos que participen as familias. Temos a sorte de contar sempre con mamás e papás voluntari@s! Ben pouc@s, por certo. Quereriamos que foran moitas máis as persoas que se achegaran ao centro a compartir con vós estas tradicións tan fermosas e tan nosas: lagoas encantadas, mouras e mouros, tesouros agochados, santa Compaña, Urco, aldeas asolagadas, fontes, a Estadea, home do saco, ánimas, listísimas raposas, cruceiros, Pedro Chosco,nubeiros... unha chea de contos e historias que foron de boca en boca de xeración en xeración na nosa terra.

 Moitísimas grazas aos tres!!!

   Tan ben se portaron tod@s, e tanto interese demostraron que non so foron merecedores de agasallo @s nos@s colaborador@s, senón tamén todo o alumnado.
 

   Se queredes saber máis sobre a importante tradición oral galega non dubidedes en consultar estas páxinas:

http://www.galiciaencantada.com/dentro.asp?c=11&n=literatura_oral, http://www.orellapendella.org/ , http://www.galiciadigital.com/pcd/Biblioteca/narrativa/contos/vellos_pra_nenos/home_contos_vellos.html , http://www.lendas.galiciaespallada.com.ar/lendas_corunesas.htm, )

Ronroneos e miañadiñas

Mica Bigotes

Ola a tod@s!!

   Vou seguir contando. Agora ando outra vez a mil porque viñeron libros da Escola de Limodre e hailles que facer un oco na nosa biblio, non? Así que, eu que pensaba que unha vez listas as cartas ía ter un pouco de tempo para falar con vós das cousas do día a día, atópome liadísima de novo.

   Pero bueno, non queredes escoitar penas, verdade?, senón saber a qué andei nestes meses pasados nos que non dei nin unha miañadiña por aquí. Ímos aló, entón!

  

Non ben empezaron a saír as mochilas deu a hora de celebrar o Mes das Bibliotecas. 

 Este curso está dedicado ás Artes, como vedes no cartel. 

   A Biblioteca Escolar é un espazo no que aproximarse á producción artística do noso país e de todas as culturas, a través dos libros, dos videos, de Internet... pero é tamén un espazo no que vivir a música, a pintura, as artes visuais (fotografía, comic, cine), a escultura, a danza, o teatro e, moi especialmente, a literatura en todos os seus xéneros e temáticas. É un espazo para vivir e experimentar e tamén para expresarse a través das distintas opcións artísticas.

    Como estabamos ainda no principio de curso, o rato e máis eu decidimos repasar un pouco a CDU (Clasificación decimal universal). Sempre é necesario que o alumnado practique a catalogación por materias da nosa bibliteca.

    Así que preparamos unha exposición un pouco rara... non lle puxemos libros!!!

    Pero pronto empezaron a aparecer... Foron @s nen@s @s encargad@s de buscalos e colocalos, segundo o tejuelo indicado nunha tarxeta.

      Foi un xogo. Pasárono moi ben. (Eu millor, mirando para eles dende o meu escondite).

  Despois, unha vez que tivemos a exposición como ten que estar ( cos libros), co material utilizado elaboramos un gran mural no corredor de abaixo, que durante todo o curso lembraranos que este ano está adicado ás artes.

  

Ronroneos e miañadiñas

Mica Bigotes

Ola a tod@s!!

   Despois de ter listos os carnés hai que empezar coas mochilas viaxeiras. E iso si que da traballo!!! Moitísimo mais traballo que escribir as cartas dos nosos amigos os gatos, a pesares de ser un montonazo.

 

   Sabedes que temos nove; unha para cada curso. Como somos pouquiños eu vos teño un pouco mimadiños e non quero que as lecturas se repitan e que ninguén leve unha mochila idéntica á que levou o seu irmán ou a súa irmá maiores. Así que, teño que modificalas, refacelas, clasificalas, comprobalas, ...alas, ...alas. Isto si que é un chollo de campeonato! Menos mal que teño a miña colaboradora Maribel, que é a que máis sabe de libros en todo o mundo mundial, senón non sei se non quedariades sen elas.

   Pero non; todas saíron na data prevista.

 Vedes que fachendosos ían estes dous con cadansúa mochila?

 Ronroneos e miañadiñas

Mica Bigotes

Ola a tod@s!!

   Tal como deciamos onte, vou empezar a contar, dende o principio, todo o que levo (levamos) feito ata o de agora (sin contar a miña correspondencia gatuna, que iso xa quedou claro).

   Que pensades que é o primeiro que hai que facer?

   O primeiro é cambiar a todo o mundo de curso e poñelo no lugar que lle corresponde. Se non, seriades sempre no ordenador alumn@s de 4º de EI, e non sei se vos ía gustar tal cousa, co que tedes medrado...

                            

    E a continuación preparar os carnés para empezar prontiño co préstamo, sen esquecer facer os do alumnado de nova incorporación.

     

Ronroneos e miañadiñas

Mica Bigotes

Ola a tod@s!!

Ronroneos e miañadiñas

Mica Bigotes

A que me estabades a botar de menos? Non me estrana, porque andei tan liada que non puiden achegarme ao blogue nin para dicir "ola".

Mais non pensedes que estiven a durmir, eh? Nada diso. Levo mais de dous meses escribíndolle cartas a todos aqueles gatos e gatiñas que viñeron coñecer o noso concello o curso pasado. Lembrades?

Por se alguén non me cre, teño probas gráficas, mirade:

Xa vedes,  montes e moreas de cartas. Como non me ía levar tempo!!!

Pero agora xa está. Prometo, dende mañá, empezar a contar todo o que fumos facendo no cole durante este tempo. 

   

Wiki-Fene, un Concello ben Interesate

Ola a tod@s!!


Xa sei que non podiades agardar máis, pero por fin está aquí a WIKI do noso proxecto. Este ano traballamos moito, moitísimo, e se alguén ten algunha dúbida, pódeo comprobar botando unha ollada. Pinchade na imaxe e dicídenos que vos parece.

*Se non funciona, pincha aquí: https://sites.google.com/site/unconcellobeninteresante/ 

Bo verán a tod@s!!!!

Ronroneos e miañadiñas

Mica Bigotes