Cine no Jofre

Ola a tod@s!!
 Onte, as nenas e nenos de 1º,2º,3º e 4º viaxaron ata Ferrol para asistir a unha sesión de cine no Teatro Jofre.
Encantoulles!
Mirade que caras de ilusión tiñan...
antes de ver a película!
Chegaron emocionadísim@s!
 O rato e máis eu ata pensamos que adiantaran as vacacións ao escoitar tanto entusiasmo como traían!

Ronroneos e miañadiñas
Mica Bigotes

O Apalpador

Ola a tod@s!!
A visita que tivemos este martes si que foi divertida!
Chegou o Apalpador!

Ronroneos e miañadiñas
Mica Bigotes

A luz das nenas

Ola a tod@s!!
Non queda nada para as vacacións. O rato, que é un lambón, está desexando que cheguen, porque di que vai comer turrón todos os días. Eu dígollo sempre: mira que eres gordecho por algo... Pero tanto lle ten! Alá el!
Pero non queremos pechar o cole sen lembrar, por última vez para este ano, a todos aqueles nenos, e moi especialmente a todas aquelas nenas (sabedes que elas o teñen moitísimo máis difícil) que non van ter vacacións escolares porque non pisan escola ningunha.
Que ninguén olvide coller a súa pegatina!

DEREITO Á EDUCACIÓN

Ronroneos e miañadiñas
Mica Bigotes

Do meu pensamento á túa ilusión

Ola a tod@s!!
Isto que é?, diredes. 
Pois é unha nova actividade que argallou Mica para agasallar con libros nestas festas.
As nenas e nenos maiores elixiron un libro para regalarlles @s pequen@s.
Queren que se fagan grandes lector@s, coma el@s son.

Ronroneos e miañadiñas
Mica Bigotes

V Certame Carmela Loureiro

Ola a tod@s!!
O alumnado de 5º e 6º participa este ano no V Certame literario Carmela Loureiro, organizado polo Concello de Ferrol e as Equipas de Normalización da Lingua Galega.

Moita sorte!

Ronroneos e miañadiñas
Mica Bigotes

Presentación Piteas

Ola a tod@s!!
Sei que a maioría de vós sabédelo xa, porque moitos estabades alí. É que non me acordara de contarvos que o martes pasado veu Laura Adela Fernández. Un privilexio!
Explicoulles ás familias en que consiste o modelo SEM, que aplicamos no cole dende o curso pasado, e o Proxecto Piteas, no que acabamos de integrarnos para desenvolver este ano.

Ronroneos e miañadiñas
Mica Bigotes