O día 29 celebráronse en Santiago de Compostela as Xornadas dos Clubs de Lectura. Alí estivo o profe Jesús, quen probablemente recolleu boas ideas para incorporar aos nosos propios clubs.
O mércores 22, o grupo de voluntariado de biblioteca desprazouse ata a Residencia de Laraxe para agasallar ás persoas usuarias da mesma cunha representación do conto Dez gatiñas viaxeiras, de Eva Mejuto. Momentos como os que pasamos alí, tanto os maiores como os pequenos, son dun valor incalculable.
Este curso, con ocasión do Día do Libro, organizamos unha actividade nova. Resultou un pouco máis caótica do que debería; era a primeira vez, e a inexperiencia, xa se sabe... Hai que aprender dos erros. Pero, pese a todo, resultou un éxito rotundo. De seguro que o próximo ano, todo irá un pouco máis rodado. Miau!