Pensando nesa carta...
Ola a tod@s!!
Aquí vos deixo algunhas recomendacións de lectura. Si, pensando nesa carta que tod@s ides (imos) escribir. (Miau!).
Ronroneos e miañadiñas
Mica Bigotes
Aprender, aprender...
Ola a tod@s!!
Hai mellor maneira de aprender que facelo xogando? Canto lles presta estar na biblio! Nestes días de choiva, tamén é un bo lugar para gozar no tempo de lecer, ou non?
Ronroneos e miañadiñas
Mica Bigotes
20-N
Ola a tod@s!!
20-N: Día dos Dereitos da Infancia; unha data para coñecer a realidade doutros nenos e nenas; para comprender que todos e todas somos importantes e que xuntos podemos crear grandes cousas.
Todas as persoas deberiamos ter a oportunidade de ter acceso a unha educación de calidade.
Este curso centrámonos na diversidade e na educación inclusiva.
Ronroneos e miañadiñas
Mica Bigotes
Teatro!
Ola a tod@s!!
A cociñeira dun barco naufraga na Illa Pequena de Plástico. Está soa, rodeada de peixes mutantes que lle advirten que son tóxicos, de paxaros que non paran de queixarse por ter comido substancias sintéticas e de verteduras que non alimentan.
Así empeza a historia de Carabela, a obra de Galeatro á que asistiron hoxe os nenos e as nenas de Infantil e 1º Ciclo de Primaria, no Auditorio de Narón.
Ronroneos e miañadiñas
Mica Bigotes
Alegría
Ola a tod@s!!
A biblioteca é tamén un espazo de interacción "social". Cando @s vexo (el@s a min, non) tan felices, con tanta alegría, gozando do tempo que pasan aquí... non podo deixar de miañar de contenta (polo baixo, para que non se enteren).
Ronroneos e miañadiñas
Mica Bigotes
Lectura contra a violencia
Ola a tod@s!!
Un representante de cada clase recolleu hoxe na biblioteca cadansúa Violeta e tamén un libro para ler en grupo. Un libro para ler, reflexionar, dialogar e contar despois ao resto do cole as súas experiencias, sentimentos e opinións. Faremos unha exposición coas creacións que realicen a partir destas lecturas.
Ronroneos e miañadiñas
Mica Bigotes
Voluntariado 22-23
Ola a tod@s!!
Esta semana empezaron a traballar @s axudantes de biblioteca. Da gusto ver con canta alegría botan unha man, coa falta que fai! A súa colaboración é inestimable.
Grazas, chic@s!
Ronroneos e miañadiñas
Mica Bigotes
Galicia, canta
Ola a tod@s!!
Non podemos estar máis contentos todos. Non so o Rato e máis eu, senón todos, todiños. Á nosa recollida de cantigas sumáronse persoas relevantes da música galega (Sés, Xurxo Souto, Séchu Sende, Xabier Díaz), persoas que admiramos, das que aprendemos e sírvennos de referentes. Vaia agasallo que nos fixeron cantando para nós!
Ronroneos e miañadiñas
Mica Bigotes
Tradición oral
Ola a tod@s!!
Na Semana da Literatura de Tradición Oral recopilamos cantigas populares. En Galicia contamos cun variado repertorio, de grande interese histórico, artístico e cultural e quixemos recoller unha pequena parte para que as nenas e os nenos as coñezan, gocen delas e continúen a necesaria cadea de transmisión oral.
Contamos cun obradoiro de Airiños de Fene co que aprenderon os diferentes e curiosos instrumentos cos que se acompañaban musicalmente estas cantigas, e os diversos momentos nos que se cantaban (romarías, tempos de traballo, xogos...).
Ronroneos e miañadiñas
Mica Bigotes
SEGUIMOS...
Ola a tod@s!!
Continuamos coas sorpresas na biblio. O venres visitounos a mamá de Xoel para ler un conto á clase de Infantil. O Rato e mais eu estamos encantados de contar con tantas familias lectoras.
Ronroneos e miañadiñas
Mica Bigotes
Reading in English
Ola a tod@s!!
Today, again, reading in english in our library. Thanks, Emilia!
Ronroneos e miañadiñas
Mica Bigotes
Lendo, lendo...
Ola a tod@s!!
Nin se sabe de onde sacan o tempo, pero as profes deste cole sempre consiguen repañar un momento para compartir unha boa lectura coas nenas e os nenos...
Ronroneos e miañadiñas
Mica Bigotes
Lectura tenebrosa
Ola a tod@s!!
Nesta semana celebramos o Samaín e, como tantos anos atrás (é xa un clásico da nosa biblioteca), non perdimos a lectura tenebrosa. Eses contos de medo á luz das candeas son moi emocionantes. É divertido pasar un pouco de medo de mentira con toda a clase. A min gústame un montón ver canto lles prestan estas lecturas. O Rato Gordecho pásao fatal (pobriño!) e, por riba, non sabe nunca quen le ou deixa de ler...
Ronroneos e miañadiñas
Mica Bigotes
Día das Escritoras
Ola a tod@s!!
Un ano máis celebramos o Día das Escritoras, para reivindicar o labor e o legado das mulleres na literatura ao longo da historia.
O lema deste ano foi: "Antes, durante e despois das guerras".
O libro que nós eliximos para ler hoxe foi "O principio", de Paula Carballeira.
Ronroneos e miañadiñas
Mica Bigotes
Nós tamén contamos
Ola a tod@s!!
Estamos recibindo a tantas mamás que veñen ler á biblioteca (e que recibimos e recibiremos sempre cos brazos abertos) que case non vos contei nunca ainda que, coma sempre, nós (@s profes) tamén lemos en todas as aulas. Non cadaquén na súa, que iso tamén, senón en todas as do cole. Aquí vos deixo unha foto de Lorena na clase de 1º. Canto lles gustou que fora! Aos seus "ex", aos que máis (miau!).
Moitas grazas, profe Lorena!
Ronroneos e miañadiñas
Mica Bigotes
Teatro
Ola a tod@s!!
Hoxe, o alumnado de 3º/4º/5º/6º achegouse ata Narón para asistir, no Pazo da Cultura, a obra de teatro Ninja, da compañía Ghazafelhos. O tema desta peza teatral aborda unha problemática social que é urxente erradicar:o acoso escolar.
Ronroneos e miañadiñas
Mica Bigotes
Ler
Ola a tod@s!!
Hoxe as nenas e nenos de Educación Infantil recibiron unha sorpresa. O conto da Hora de Ler contouno a mamá de Teo Antón! Canto nos gustou a tod@s!
É marabilloso contar con tantas familias lectoras que se achegan ao cole a pasar un pouquichiño de tempo na nosa biblioteca, que é tamén súa.
Ronroneos e miañadiñas
Mica Bigotes
Lectura e familias
Ola a tod@s!!
Canto nos gusta recibir a mamás lectoras como a de onte. A biblio está sempre aberta para que as familias veñan ler con nós. Tanto nos ten que sexan mamás, papás, avós, madriñas, tíos ou curmás... Que ben o pasamos! Canto aprendemos!
Canto nos gusta recibir a mamás lectoras como a de onte. A biblio está sempre aberta para que as familias veñan ler con nós. Tanto nos ten que sexan mamás, papás, avós, madriñas, tíos ou curmás... Que ben o pasamos! Canto aprendemos!
(O rato gordecho ten debilidade polas historias de unicornios)
Ronroneos e miañadiñas
Mica Bigotes
Nova biblio
Ola a tod@s!!
O rato e máis eu traballamos moito, moitísimo, no verán para renovar a biblio. Puxemos moita ilusión pensando en conseguir facela máis práctica, máis diáfana, máis cómoda...; pensando, en fin, en renovala para dar un mellor servizo para os nosos nenos e nenas. Pero, cando vemos, un día calquera, o cómodos que están, canto gozan dos libros e a lectura, como lles gusta compartir tempo c@s outr@s neste lugar, olvidamos todo o traballo e lembramos so a ilusión. Pensamos que valeu moito a pena! Da gusto vel@s!
Ronroneos e miañadiñas
Mica Bigotes
Tempo de lecer
Ola a tod@s!!
Sabedes que co mes de outubro abre as portas a nosa biblioteca e inícianse tódolos servizos para este curso 22-23.
As lecturas do recreo empezaron polo máis noso: materiais feitos por nós, eses que a editorial Micasmil foi elaborando ao longo dos anos.
Ronroneos e miañadiñas
Mica Bigotes
Virán?
Mandeilles un correo. Pensades que van vir?
Eu coido que si. A ver...
Ronroneos e miañadiñas
Mica Bigotes
Mochilas, mochilas...
Ola a tod@s!!
Ao longo da semana foron saindo para as casas todas as Mochilas Viaxeiras. Que contenta estou! (Miau!). Esas lecturas compartidas en familia, os xogos para todos, a música, as pelis... non teñen prezo. Vai que non?
Ronroneos e miañadiñas
Mica Bigotes
HdL. English.
Ola a tod@s!!
Hoxe vin ás nenas e nenos de Educación Infantil durante a Hora de Ler. Levei unha alegría. Gústoulles moitísimo o conto en inglés que Emily leu para el@s. Que sorte temos de poder gozar de tan fermosos momentos na nosa biblio. Se estaba contento ata o rato, co rosmón que el é!
Ronroneos e miañadiñas
Mica Bigotes
Primeiro día
Ola a tod@s!!
Hoxe foi o primeiro día deste curso no que abrimos a biblioteca para as nenas e os nenos. Non todos puideron pasar hoxe por aquí, que o día non da para tanto. Pero 5º e 6º, si. Levaron cadanseu libro en préstamo e sairon as primeiras mochilas.
Non sei vós, pero eu vexo moita ilusión neses ollos... Miau!
Ronroneos e miañadiñas
Mica Bigotes
No verán, lectura
Ola a tod@s!!
Coma sempre, unha selección de libros para o verán. Para todas as idades. Pódense intercambiar ao gusto de cadaquén; ás veces (miau!)
Ronroneos e miañadiñas
Mica Bigotes
Remo
Ola a tod@s!!
Hoxe recibimos na biblioteca a Quique, quen, con esta charla que veu dar, volveu á súa casa, porque o noso é tamén o seu cole. Alegrouse moito de volver. Nós tamén de recibilo.
Veu presentarnos o Club de Remo de Ares e as súas actividades . Falounos de remo e de regatas, tanto de banco móbil coma de banco fixo, de remo olímpico e, como non, de traiñeiras. E da Liga ACT (a primeira división das regatas) na que o Club compite dende 2019.
Grazas, Quique! En setembro queremos probar cun batel!!!
Ronroneos e miañadiñas
Mica Bigotes
Upps!
Ola a tod@s!!
Díxome o Rato que andan rosmando por aí, porque puxen os contiños de 1º e 2º, pero non todos os de 6º. UPPS! E teñen razón! Pero non hai nada perdido. Agora mesmo poño todos os que faltan para que poidades velos. Listo!
Ronroneos e miañadiñas
Mica Bigotes
Lemos!
Ola a tod@s!!
"O prometido é débeda", así que aquí vos deixo todos os contos que a clase de 1º e 2º leu para Educación Infantil. Foi moi emocionante; hai nada que estaban xunt@s e, ademáis, non sabían ler! E agora, mirade.
Ronroneos e miañadiñas
Mica Bigotes
Correlingua 2022
Ola a tod@s!!
Sen movernos do centro, si; pero que ben o pasamos co Correlingua!
Ronroneos e miañadiñas
Mica Bigotes
Premio!
Ola a tod@s!
Así de content@s quedaron co pequeno agasallo de agradecemento que recibiron esta mañá. Ben merecido o tiñan! Foron quen de ler para Infantil igualiño que @s de 6º. Se é que son marabillos@s...
Mañá mesmo, poñerei eses contiños para vós poidades tamén gozar con eles.
Ronroneos e miañadiñas
Mica Bigotes
Vai quedando pouco.
Ola a tod@s!!
Paseniñamente imos camiñando ao remate do curso. Vai quedando pouco. De feito, quedan un par de días para pechar o servizo de préstamo.
Estoume preparando para despedir, un ano máis, a todos os nenos e nenas de Os Casais. Botareinos moito en falta!
Ronroneos e miañadiñas
Mica Bigotes
Contos, contos, contos.
Ola a tod@s!!
Hoxe traio o conto que Ángela leu para as nenas e os nenos de Infantil: Homiño de Mazapán. A ver se vos gusta tanto como @s pequerrech@s!
Ronroneos e miañadiñas
Mica Bigotes
Outra gata!
a tod@s!!
Hoxe traio unha aventura doutra das miñas amigas. Cóntanola Daniela.
Ronroneos e miañadiñas
Mica Bigotes
Subscribirse a:
Publicacións (Atom)