Voluntariado

Ola a tod@s!!

   É un orgullo contar cun alumnado coma este; unha satisfación enorme contar coas maravillosas familias que o fan posible e un luxo formar parte dun equipo que o respalda absolutamente.

   Comparto un extracto do Video Promocional do Voluntariado Galego, no que participou unha representación dos nosos nenos e nenas. Que pensaran en nós non deixa de ser un recoñecemento e un estímulo para continuar andando xuntos este fermoso camiño.

   O que ven a continuación é o video orixinal, por se queredes velo completo. Os proxectos que aparecen reflectidos son ben interesantes.

Ronroneos e miañadiñas

Mica Bigotes

Adopta un libro

Ola a tod@s!!
   

Como cada Nadal, buscamos unha nova vida para algúns dos libros que cumpriron o seu tempo na nosa biblioteca.  

    Van cargados de bos desexos, para eles e para aquelas persoas que os reciban.

Ronroneos e miañadiñas

Mica Bigotes

Festival de inverno

Ola a tod@s!!

   Por fin podedes ver as fotos do Festival de Inverno. Mais, como poderedes comprobar, aquí falta alguén, non?

   Terei que seguir buscando... a saber onde ten o rato as fotos de Infantil! Acaba comigo, de verdade que si! Anda todo o día a facerme trasnadas.

Ronroneos e miañadiñas

Mica Bigotes

Hora de Ler

Ola a tod@s!!
   

   Nunca saben onde estou, pero sempre miro o que fan.

 Non imaxinades canto desfruto vendo o cómodos que están na biblio...

    Miau!!! Miau!!!

Ronroneos e miañadiñas

Mica Bigotes

Voces de muller

Ola a tod@s!!

 

  Durante todo o primeiro trimestre, en 6º estiveron traballando no proxecto Voces de Muller. Da gusto comprobar que forman un equipo maravilloso, no que colaboran, axúdanse, apóianse, refórzanse e anímanse uns aos outros...

      Canto levaran aprendido! 

   Estou desexando ver o resultado final! E non menos a outra parte, a de 4º... Pero... terei que esperar a marzo, que será cando ámbalas dúas clases presenten o produto final.

    (Será radiofónico? Disque si, segundo o rato).

Ronroneos e miañadiñas

Mica Bigotes

Voluntari@s de 6º

Ola a tod@s!!

   Quen se acorda do fachendosa que posou a clase de 6º o día que recibiu os carnés do voluntariado de biblioteca?

   Da gusto velos a todos tan contentiños, verdade?
   E o que traballan...!!!
   Non imaxinades canto me axudan...
   Son uns bibliotecarios e bibliotecarias de primeira!!!

Ronroneos e miañadiñas

Mica Bigotes

Obradoiros

Ola a tod@s!!
   Son moitos os obradoiros que realizamos. Lembrades este?

Ronroneos e miañadiñas

Mica Bigotes

Compartindomomentos

Ola a tod@s!!

   É fantástico contar con voluntarios e voluntarias de biblioteca tan comprometidos co seu entorno, tan dispostos a compartir o seu tempo e as súas lecturas cos demáis.

   Canto vos quero meus nenos!

Ronroneos e miañadiñas

Mica Bigotes

Oratoria

Ola a tod@s!!

Canto aprendimos o curso pasado nos obradoiros de oratoria do Proxecto Piteas!  Agora hai que voar sos, e nesas estamos, pouquiño a pouco...

Ronroneos e miañadiñas

Mica Bigotes

Outra perdida...

Ola a tod@s!!

Sabedes que (ainda que perdamos as fotos...) no cole non perdemos ocasión ningunha de ler. No tempo de Samaín fixéronse lecturas polas aulas. Aquí vos deixo unha proba diso.

Boa ma fixo o rato! porque xa choveu...

Ronroneos e miañadiñas

Mica Bigotes

Ula Lúa?

Ola a tod@s!!

   Lembrades que ben o pasamos cando Celtia Figueiras visitou a nosa bibliteca?

Ronroneos e miañadiñas

Mica Bigotes

Familias lectoras

Ola a tod@s!!

  Atopei tamén esta foto dunha das nosas maravillosas mamás lendo na clase de 6º. 

É un tesouro contar con familias lectoras!

Ronroneos e miañadiñas

Mica Bigotes

Biblioteca: viveiro de cidadanía

Ola a tod@s!!

 Lembrades que actividade tan chula fixemos no mes das bibliotecas? A que foi divertido? Sei que si. A min gustoume especialmente o feito de irdes polas clases explicando todas e cada unha das cousas que cada grupo descubriu despois de atopar cadanseu libro. Por iso púxenme moi contenta ao ver que esta foto estaba nese montonciño que o rato tiña agochado.

   Tense que notar en algo que eu son a gata bibliotecaria, non?

Ronroneos e miañadiñas

Mica Bigotes

Comando Verde

Ola a tod@s!!

Lembrades o noso Comando Verde?

   Aquí podedes velo en acción, explicando e dando instruccións polas aulas. 

Ronroneos e miañadiñas

Mica Bigotes

Atopeinas!

Ola a tod@s!!

Xa vos dixera que ían aparecer, non si?

Sabedes onde as tiña o moi pillabán?

Metidiñas todas detrás do ordenador de xestión da biblioteca!!!

Como sabe que eu diso non me ocupo... que esas cousas da informática lévanas as profes... Moi listiño el!

Pero atopeinas!!!

 Hoxe poño esta. De primeira; para agradecer enormemente tantos agasallos altruistas que estes maravillosos artistas feneses teñen con nós.

Grazas, Carme! Grazas, Francisco!

Ronroneos e miañadiñas

Mica Bigotes

EQUIPOS INTERNIVEIS

Ola a tod@s!!
Outra!!!

Onde vai isto! Unha foto dos nosos estupendos equipos de traballo na biblioteca; eses nos que as nenas e nenos maiores tanto axudan e ensinan aos máis pequenos.

Non pode ser... Estoume fartando deste xoguiño do Rato. Marramañau! De verdade que si... Vou empezar a buscar, e tanto me ten que as teña agochadas detrás dos libros, no seu burato da parede ou nunha caixa perdida por aí. Atopareinas!!! Faltan fotos da lectura na Domus Vi, de cando veu visitarnos Celtia Figueiras, de obradoiros, de saídas, da oratoria... E non, así non é. Acabouse o xogo!

E vou gañar eu! Como que me chamo Mica Bigotes! Miau!

Ronroneos e miañadiñas

Mica Bigotes

NON

Ola a tod@s!!

   Este ano o rato anda a gastarme bromas todo o tempo. Estou convencida de que ten que ser el o que agocha as fotos. Quen vai ser! E despois van aparecendo por aí... Pero, bueno, o caso é que aparecen. Menos mal!

   Hoxe atopei esta de cando celebramos os actos reivindicativos do 25-N. A saber onde terá as que quitamos no cole!

Ronroneos e miañadiñas

Mica Bigotes

Nós tamén contamos

Ola a tod@s!!
   No mes de decembro a nosa profe voluntaria está sendo Lorena. 
   A mellor maneira de ensinar é dando exemplo, ou non?

   

Ronroneos e miañadiñas

Mica Bigotes

Esfolla

Ola a tod@s!!

   Seguro que non sabiades que os maiores da residencia de Laraxe que viñeron esfollar con nós, tamén nos aprenderon a facer preciosas bonequiñas...

   Quedaron chulísimas!

   

 Se é que as avoas e os avós saben tantas cousas...

Moito temos que aprender.

Esperamos que veñan máis veces, porque pasámolo todos moi ben.

Ronroneos e miañadiñas

Mica Bigotes

Semana da Literatura de Tradición oral

Ola a tod@s!!

 O rato acaba de recuperar dun caixón unhas fotografías perdidas. Son da Semana da Literatura de Tradición Oral. Lembrades eses días tan especiais nos que viñeron ler as vosas familias? 

Sei que hai algunha foto máis perdida por aí; o que non sei é onde andarán.

Ronroneos e miañadiñas

Mica Bigotes

Lectura Tenebrosa

Ola a tod@s!!

Este ano foi 5º o curso que preparou a lectura tenebrosa para todos os seus compañeiros e compañeiras. Leron Mortiña.

Queredes ver as fotos?

Ronroneos e miañadiñas

Mica Bigotes

Samaín

Ola a tod@s!!

 O mércores pasado celebramos o Samaín. Foi unha festa moi emocionante. Fixemos cabazas, o conxuro para o apócema máxica, tivemos obradoiros, levamos máis dun susto, desfrutamos dunha divertida obra de teatro, comimos lambonadas terroríficas... E, por riba, na compaña das nosas familias.

Moitísimas grazas, ANPA Río de Va!
Sodes máxicas!

Ronroneos e miañadiñas

Mica Bigotes

Semana Stem

Ola a tod@s!!

   Nenos e nenas de 5º de Primaria asistiron á Semana Stem no campamento de Os Peares. Traballaron intensivamente, aprenderon moitísimo, pero tamén tiveron tempo para pasalo ben. 

Foi unha semana estupenda!

Ronroneos e miañadiñas

Mica Bigotes

Enrédate co outono

Ola a tod@s!!

Chegou a hora de "enredarse" co outono. 

Aquí vos deixo unha foto que sacou o Rato Gordecho de todas as follas que os nenos e as nesas fixeron na casa coas súas familias.

Levan escritos versos de outono.

Ronroneos e miañadiñas

Mica Bigotes

Ciencia

Ola a tod@s!!

   No presente curso queremos dedicar cada mes a unha temática concreta.

Fixemos unha boa remodelación da biblio. Canto traballiño... Cantas horas deixou aí a profe Ainhoa... O rato gordecho e mais eu agradecémosllo un montón! Encántanos como a deixou!

   Agora temos un recanto específico para exposición de libros: Este mes...

      Como sabemos que o curso pasado desfrutástedes moitísimo dos proxectos científicos: da cría de bolboretas, da botánica, dos experimentos, do slime... para outubro escollimos:

  Ronroneos e miañadiñas

Mica Bigotes

Comando Verde

Ola a tod@s!!

   Preséntovos o noso COMANDO VERDE, formado por representantes do alumnado, das familias, do profesorado e do persoal non docente.

 Eles van ser o motor do noso proxecto. Ocuparanse de motivar, transmitir información, comunicar os avances do proxecto ao resto dos participantes, deseñar propostas, etc.

Ronroneos e miañadiñas

Mica Bigotes

Limpeza do río de Va

Ola a tod@s!!
   Non vale de nada se quedamos so coa teoría; así que...

fomos limpar o río de Va!

Ronroneos e miañadiñas

Mica Bigotes

Betula

Ola a tod@s!!

A primeira charla que acolleu a nosa biblioteca estivo ao cargo da asociación Betula.

Aprendéronos a importancia de coidar os ríos. Pensade: onde vai parar todo o lixo acumulado neles?

Grazas, Betula, pola vosa colaboración.

Ronroneos e miañadiñas

Mica Bigotes

Semana polo clima

Ola a tod@s!!

   

 Participamos na Semana polo Clima; cada día  realizamos un pequeno acto simbólico para amosar a  preocupación polo grave deterioro do medio ambiente e o  firme propósito de coidalo e protexelo, evitando aqueles hábitos, actitudes e comportamentos que o perxudican.

Ronroneos e miañadiñas

Mica Bigotes

Os Casais, cole verde

Ola a tod@s!!

   

Sabedes de sobra que o noso cole está pintado de verde, verdade? Claro que o sabiades... e ben bonito que é!

   Mais igual non caerades na conta de que tamén é verde por dentro. Si, si, verde.

    Levamos anos preocupándonos pola reciclaxe: de pilas, de aceite, de papel, de roupa, de tóner, de tapóns...

    Este curso temos o propósito de dar un paso cara adiante: o noso reto será REDUCIR.

Ronroneos e miañadiñas

Mica Bigotes

CURSO 2019-20

Letras Galegas 2019

Ola a tod@s!!

E, xa que estamos, deixo un video da celebración das Letras Galegas deste ano, que, como sabedes, dedícase a Antón Fraguas, figura clave na defensa da tradición cultural de Galicia.

Non me digades que non foi un día fantástico!

Ronroneos e miañadiñas

Mica Bigotes

Lemos?

Ola a tod@s!!

E, xa que estivo con nós, ben podemos ler algún dos seus libros, non? Isto foi o que me dixo o Rato Gordecho.

Limos tres.

Por se queredes saber de que van, deixo un video que alguén gravou. Quen sería?

Ronroneos e miañadiñas

Mica Bigotes

Antón Cortizas

Ola a tod@s!!

Ninguén vira as fotos de Antón Cortizas aprendéndonos a facer xoguetes tradicionais?

Tiña razón o rato, entón.

Miaaauuu, a miña cabeza gatuna anda un pouco toliña!

Graciñas, Antón, por agasallarnos
 cun obradoiro tan fermoso!

Ronroneos e miañadiñas

Mica Bigotes

Brais Moure

Ola a tod@s!!

Pero que día tan chulo tivemos na biblio con Brais Moure!

O rato gordecho quería saír para poder xogar con tanto animal como por aquí houbo. Non quería mais que facerse amigo do lobo. Menos mal que eu son unha gata sensata e non lle deixei... senón, ben que o papa!

Ronroneos e miañadiñas

Mica Bigotes

Teatro con G

Ola a tod@s!!

Por fin chegou o día de desfrutar do esperado

Teatro con G

 Como cada ano, alí, no Teatro Jofre de Ferrol, estiveron as nosas nenas e nenos.

Actuando algúns, coma espectadores, outros. O cole en pleno vivindo unha auténtica experiencia de teatro.

Ronroneos e miañadiñas

Mica Bigotes

Onde están as chaves?

Ola a tod@s!!

                                                               Isto foi o que atoparon as nenas e nenos de 3º e 4º cando recibiron a carta que lles enviei...

Que pasará?

Confiades en que estes intrépidos detectives deron resolto o misterio?

Ronroneos e miañadiñas

Mica Bigotes

David Ballesteros

Ola a tod@s!!

O xoves desfrutamos outra vez con David Ballesteros e os seus obradoiros científicos.

Foi un día xenial.

Canto estamos aprendendo no Proxecto Piteas!

Ronroneos e miañadiñas

Mica Bigotes

Mar de Muiñeiras

Ola a tod@s!!

Este é o grupo de artistas que representou ao noso cole na actividade Un Mar de Muiñeiras, que foi realizada no asteleiro Navantia para celebrar o Día das Letras Galegas.

Parabéns! Estamos tod@s moi orgullos@s do ben que o fixestes; xa sabedes que con vós ía un anaquiño do noso corazón.

Ronroneos e miañadiñas

Mica Bigotes

Agora outra.

Ola a tod@s!!
Xa que me anda reclamando, colgo tamén estoutra dun día que @s pillei fedellando no espazo maker c@s de 3º.

Ronroneos e miañadiñas

Mica Bigotes

Este rato...

Ola a tod@s!!

Queixóuseme o Rato Gordecho de que non puxera foto ningunha das nenas e nenos de 4º na exposición dos libros de poesía.

Madialeva! Como se unha poidera estar a todo!

Aquí vos deixo unha, para que pare de darme a lata.

Ronroneos e miañadiñas

Mica Bigotes

Adeus, maleta

Ola a tod@s!!

A maleta da poesía está xa no CFR de Ferrol. Pero canto desfrutamos dos seus libros!

Ás nenas e aos nenos de Educación Infantil gustáronlles moitísimo!

Penso que dentro de pouco traerei outra. De que será? 

Adiviñade.

Ronroneos e miañadiñas

Mica Bigotes

Apaamadriñamentos

Ola a tod@s!!
Xa sei que chove día si e día tamén, pero non pensedes que non demos cun día de abril maravilloso para facer os nosos tradicionais apadriñamentos lectores, que habelos, houbo!

Ronroneos e miañadiñas

Mica Bigotes

Maker-fedelleiro

Ola a tod@s!!
Canto aprenden coa robótica no espazo maker-fedelleiro!

Ronroneos e miañadiñas

Mica Bigotes

Lingua de Signos

Ola a tod@s!!

Se é que fixeron un traballo magnífico as miñas nenas e nenos de 4º.

Os catro clústers que organizaron son fantásticos. Para o de Lingua de Signos conseguiron a colaboración de AXF, a Asociación de Persoas Xordas de Ferrol.

Ronroneos e miañadiñas

Mica Bigotes