O venres celebramos un pequeno acto de rexeitamento da violencia. Aqueles e aquelas que son os homes e mulleres dun futuro non moi lonxano din NON á violencia de xénero.
Son a nosa esperanza.
Ronroneos e miañadiñas
Mica Bigotes
1º e 2º coa Inclusión
Ola a tod@s!!
Pensaba o rato que ás nenas e aos nenos dos cursos máis baixos non lles ía gustar tanto como aos maiores a nosa exposición. Que equivocado estaba! Xa o sabía eu...
Ronroneos e miañadiñas
Mica Bigotes
Obradoiro da Violencia
Ola a tod@s!!
Desgraciadamente, cada 25-N temos que lembrar esa terrible lacra social que é a violencia de xénero. A educación é o medio mais eficaz para que as cousas muden. Por iso, acollimos na nosa biblioteca un obradoiro. Foi organizado polo Concello de Fene, en colaboración coa Deputación.
Resultou moi interesante e participaron con entusiasmo. Pero esperamos que chegue pronto o día que todo isto resulte totalmente innecesario.
Ronroneos e miañadiñas
Mica Bigotes
5º e 6º coa Inclusión
Ola a tod@s!!
Que vos dicía? Sabía que estes libros ían gustar moito, moitísimo.... Ainda así, levei unha boa sorpresa, vendo o extraordinario interese que despertan.
Alégrome un montón. 
Ronroneos e miañadiñas
Mica Bigotes
Maleta da inclusión
Ola a tod@s!!
O rato e mais eu preparamos unha pequena exposición de libros magníficos prestados polo CFR de Ferrol.
Sabemos que os ides desfrutar moito.
Xa veredes!
Ronroneos e miañadiñas
Mica Bigotes
Enrédate...
Ola a tod@s!!
Todos os momentos son bos para ler. Vale calquera tempo, ou non?
Nós cremos que si; por iso andamos "enredados coas estacións".
Nós cremos que si; por iso andamos "enredados coas estacións".
Ronroneos e miañadiñas
Mica Bigotes
DEREITOS DA INFANCIA
Ola a tod@s!!
O luns, como celebración do Día dos Dereitos da Infancia, realizamos unha divertida dinámica para comprobar o indispensables que somos todas e todos a hora de realizar calquera dos retos que afrontemos. Non é xusto excluir unha das metades do mundo.
Nós participamos en igualdade.
Queremos que todas as nenas teñan a mesma oportunidade.
Ronroneos e miañadiñas
Mica Bigotes
Presentación TEI
Ola a tod@s!!
Como vos dicía o outro día, o venres celebramos o acto de presentación do programa TEI deste curso. As nenas e nenos que van ser titor@s este ano asinaron cadanseu compromiso e recibiron os diplomas e carnés correpondentes.
Aquí vos deixo unhas fotografías.
Ronroneos e miañadiñas
Mica Bigotes
Ola a tod@s!!
Tamén o venres 16 recibimos a nosa querida Asociación Betula (sempre dispostos a colaborar). Nesta ocasión non falaron dos ríos, senón do noso patrimonio.
O 16 de Novembro é o Día do Patrimonio. Por iso faláronos de castros, petroglifos, monumentos, paisaxes naturais... Faláronos do inxente patrimonio cultural galego, material e inmaterial, que debemos coñecer, valorar, coidar e transmitir.
Grazas por ofrecernos unha charla tan interesante!
Ronroneos e miañadiñas
Mica Bigotes
Ola a tod@s!!
Cando se achegaba a Semana da Tradición Oral todas as nenas e nenos do cole estaban desexando que chegara o día en que lles viñeran ler.
Non sabedes canto os emociona recibir a mamás, papás, avoas e padriños lectores.
Non hai máis que vel@s!
Cando se achegaba a Semana da Tradición Oral todas as nenas e nenos do cole estaban desexando que chegara o día en que lles viñeran ler.
Non sabedes canto os emociona recibir a mamás, papás, avoas e padriños lectores.
Non hai máis que vel@s!
MOITÍSIMAS GRAZAS A TODAS!
Ronroneos e miañadiñas
Mica Bigotes
Ola a tod@s!!
Houbo un día moi especial. Foi o que compartimos coas avoas de Fene. Leváronos facer un roteiro por camiños que case non andamos (porque pasamos a vida en coche) e visitamos lugares moi interesantes do noso pobo.
Queremos repetir!
Moitas grazas a todas!!!
Ronroneos e miañadiñas
Mica Bigotes
Ola a tod@s!!
Tamén iniciamos xa a actividade Somos contacontos, na que as alumnas e os alumnos de 5º e 6º van ler, de forma voluntaria, á clase de Infantil.
Podedes ver a Yago totalmente entregado ao seu papel. Non me digades que non se nota canto están desfrutando dese momento compartido.
Ronroneos e miañadiñas
Podedes ver a Yago totalmente entregado ao seu papel. Non me digades que non se nota canto están desfrutando dese momento compartido.
Ronroneos e miañadiñas
Mica Bigotes
Ola a tod@s!!
No tempo do Samaín as nenas e os nenos de 5º e 6º prepararon unha actividade de lectura para os máis pequenos. Estase a convertir nun clásico da nosa biblio.
Encántalles!
Non vedes case nada, verdade?
El@s tampouco. E da moito medo...
(Se fóran gatas coma min non terían ese problema)
Ronroneos e miañadiñas
Mica Bigotes
Ola a tod@s!!
O 24 de outubro é o Día das Bibliotecas. Nós extendemos esta celebración a todo o mes.
Como andamos investigando sobre os animais e o xénero literario a destacar este ano é a poesía, e, por riba, a principio de curso cómpre sempre repasar a CDU, fixemos unha fantástica actividade que titulamos:
Animaladas en verso
Ronroneos e miañadiñas
Mica Bigotes
Ola a tod@s!!
Igual pensabades que non estaba polo cole, porque como non asomaba por aquí... Non, non é iso. Andar, ando;pero subo, baixo, agóchome en canto recuncho hai e dou tantas voltas que nin tempo tiven de vir saudar.
Acabouse!
Agora mesmo cóntovos algunhas cousiñas que fixeron os nosos nenos e nenas dende que volveron. Non todas, que de seguro algunhas delas quedarán.
Perdoade que non o fixera antes!
Ronroneos e miañadiñas
Mica Bigotes
Subscribirse a:
Publicacións (Atom)